Мужчына пагражаў забойствам і прыстаўляў да шыі 5-гадовага пасынка нож. Які прысуд?
У Светлагорску за пагрозу забойствам пяцігадоваму хлопчыку асудзілі 25-гадовага хлопца.
Інцыдэнт адбыўся 10 лістапада 2024 года. Муж і жонка пасля сумеснага распіцця алкаголю пайшлі адпачываць, і пяцігадовы сын папрасіў маці паляжаць з імі. Айчым узлаваўся, паміж дарослымі ўзнікла сварка. Падчас канфлікту мужчына ўзяў нож і стаў пагражаць забойствам дзіцяці, прыкладаючы нож да яго шыі.
Жанчына, якая знаходзілася ў дэкрэце, не напісала заяву ў міліцыю, баючыся помсты. Аднак пракуратура ўзбудзіла крымінальную справу. Як там даведаліся пра здарэнне, не паведамляецца.
Эксперты зафіксавалі ў хлопчыка сінякі і ранкі на шыі і руках. Мужчына сваёй віны не прызнаў, але суд прызнаў яго вінаватым і пакараў арыштам на два месяцы.
Вырак уступіў у законную сілу.
Каментары