Лосік расказаў, як сядзеў у СІЗА КДБ з дэлегатам УНС — палкоўнікам міліцыі, які п'яным ледзь не забіў жонку
Экс-палітвязень падзяліўся ў сваім фэйсбуку чарговай гісторыяй са зняволення.
«Заўтра ў Беларусі пачынаецца чарговае пасяджэнне Усебеларускага народнага сходу, і мне ўспомнілася, як у СІЗА КДБ я апынуўся ў адной камеры з дэлегатам гэтага сходу. Гэта быў палкоўнік міліцыі з аднаго невялікага беларускага горада Гомельскай вобласці.
Апынуўся ён у турме па небанальнай справе — яго абвінавацілі ў тым, што ён у стане алкагольнага ап’янення ледзь не застрэліў з табельнага пісталета ўласную жонку. Пашанцавала: літаральна некалькі міліметраў лявей — і яна б не выжыла.
Але сутнасць не ў гэтым. У камеры ў нас часта ўзнікалі спрэчкі наконт вайны ва Украіне, сітуацыі ў Беларусі і вакол гэтага Усебеларускага народнага сходу. Ён удзельнічаў у ім у 2024 годзе, але не мог адказаць абсалютна ні на адно пытанне — пачынаючы ад «навошта ўвогуле стварылі гэты орган?» і заканчваючы «што вы там прынялі і за што галасавалі?».
У беларускіх падзеях ён арыентаваўся вельмі слаба і нават прайграў мне шакаладку, калі даказваў, што ў Беларусі ну ніяк не маглі вярнуць абмежаванне ў два прэзідэнцкія тэрміны.
УНС — гэта калі 1 200 чалавек збіраюцца, каб афіцыйна пацвердзіць меркаванне аднаго», — заключыў Ігар Лосік.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары