Зяленскі: Мой зварот з Купянска стаў вырашальным у перамовах з ЗША і Еўропай
Прэзідэнт Украіны Уладзімір Зяленскі распавёў, што яго паездка ў Купянск моцна паўплывала на еўрапейскіх і амерыканскіх партнёраў і паказала, што расійскі бок шмат хлусіць пра свае перамогі.
«Гэта моцна паўплывала і на амерыканцаў, і на еўрапейцаў. Усе высока ацанілі і нашых воінаў, і тое, што яны трымаюць Купянск. Тое, што я быў там асабіста, паставіла кропку ў пытаннях пра акупацыю: стала відавочна, што Пуцін зноў хлусіць пра захоп новых тэрыторый. Гэта вельмі моцна паспрыяла маім размовам з заходнімі партнёрамі», — сказаў Зяленскі.
12 снежня Зяленскі прыехаў у Купянск і зняў відэа перад уездам у горад. Расіяне не аднойчы заяўлялі пра ўзяцце горада.
Каментары
Паглядзім, сапраўды лі гэта піар перамога змяніла ход гэтых перамоваў.