Вайна99

«Байцы «Азова» практыкуюць ахвярапрынашэнні». Праўда?

Праверылі словы дацэнта Праваслаўнага Свята-Ціханаўскага гуманітарнага ўніверсітэта пратаіерэя Аляксандра Цімафеева.

Николай Рерих "Идолы" Idols, Nicholas Roerich Мікалай Рэрых "Ідалы"
20-гадовы Рэй, баец брыгады «Азоў», на прыфрантавой пазіцыі ў раёне Крамянной, Данецкая вобласць. Фота: AP Photo/Alex Babenko

У сваім тэлеграм-канале прарасійская актывістка Вольга Бондарава апублікавала развагі пра духоўнасць, веру і каштоўнасці. Тэкст атрымаўся настолькі аб’ёмны, што яна падзяліла яго на некалькі частак.

Асабліва Бондараву хвалюе верацярпімасць: паводле яе слоў, «ад экуменізму да сатанізму» — адзін крок. Гэтае сцвярджэнне яна падмацоўвае прыкладам з Украіны — спасылаючыся на шыты белымі ніткамі фэйк.

«Ахвярапрынашэнні ў нацысцкіх батальёнах «Азоў» і «Айдар» сталі звычайнай з’явай. (…) Такія зверствы неанацысты здзяйснялі і ў Курскай вобласці», — піша Бондарава, спасылаючыся на словы дацэнта Праваслаўнага Свята-Ціханаўскага гуманітарнага ўніверсітэта, протаіерэя Аляксандра Цімафеева.

Заяву пра «задакументаваныя выпадкі» Цімафееў агучыў яшчэ ў лістападзе 2024 года. Яе хутка падхапілі расійскія прапагандысцкія СМІ — аднак ніякіх дакументальных сведчанняў ці фотадоказаў прадстаўлена не было. Гэта не перашкодзіла ім распаўсюдзіць словы святароў як «факт».

Гэтая гісторыя — не першая спроба дэманізацыі палка «Азоў» і іншых украінскіх вайсковых фармаванняў спецыяльнага прызначэння. Гэта самыя баяздольныя і матываваныя часці ўкраінскай арміі, таму яны і сталі аб'ектам асаблівай увагі расійскай, а за ёю і лукашэнкаўскай прапаганды.

Яшчэ з 2016-га па 2021 год у расійскіх і прарасійскіх медыя перыядычна з’яўляліся публікацыі пра «неапаганства» ў шэрагах «Азову». Але яны мелі маргінальны характар і друкаваліся пераважна на трэцяшараговых сайтах.

Як адзначае «Дэтэктар медыя», да 2022 года тэма «сатаністаў у Азове» лічылася маргінальнай і прысутнічала толькі ў так званых інфармацыйных «памыйках».

Пасля поўнамаштабнага ўварвання Расіі ва Украіну ў лютым 2022 года гэты наратыў быў рэзка актывізаваны. Расійскія СМІ сталі масава публікаваць матэрыялы пра «азоўцаў-сатаністаў», «капішчы», «ахвярапрынашэнні». У якасці «доказу» паказвалі фота загадкавых прадметаў, знойдзеных нібыта ў памяшканнях палка. Аднак усе гэтыя артэфакты былі ідэнтычныя тым, што прадаюцца ў расійскіх інтэрнэт-крамах і маркетплэйсах.

«Дэтэктар медыя» пісала, што колькасць падобных матэрыялаў стварала ўражанне «тэатральнай пастаноўкі»: маўляў, «Святая Русь ідзе на вайну з сатаністамі».

Да канца лета 2022 года гэтая тэма Z-аўдыторыі прыелася, ад наратыву пра «сатанінскіх азоўцаў» адчапіліся. Заява Цімафеева ў лістападзе 2024-га стала спробай яго рэанімаваць, а цяпер эстафету працягнула Вольга Бондарава.

Каментары9

  • Барадзед
    15.05.2025
    Они забыли, как в чвк Вагнер кувалдами головы разбивали, какие там главари неоязычники из расеи. Сами они этим грешат, с больной головы перекладывают на здоровую.
  • Багдан
    15.05.2025
    цяпер эстафету працягнула Вольга Бондарава

    А за ёй і Наша Ніва, якая мультыплікуе гэтыя памыі, якія інакш бы ведалі толькі нешматлікія падпісчыкі гэтай блазанкі.
  • мыся
    15.05.2025
    На ютубе полно видео от первого лица как Азов ведёт бои и проводит зачистки. Русским всегда предлагают сдаваться, их раненым оказывают помощь. И теперь это не батальон, а бригада специального назначения Азов. Они даже элементарных вещей не знают про Азов, а туда же, лезут строчить фейки.

Цяпер чытаюць

Польшча прызнала Аляксандра Машэнскага непажаданай асобай35

Польшча прызнала Аляксандра Машэнскага непажаданай асобай

Усе навіны →
Усе навіны

На лідара «Палаца» Алега Хаменку завялі крыміналку за супрацу з медыя2

Мінчане скардзяцца, што ў горадзе вельмі моцна смярдзіць. Санстанцыя кажа, што непакоіцца няма пра што5

Фэйкавая журналістка «Новая газета Еўропа» спрабавала ўзяць інтэрв’ю ў Паўла Латушкі4

Што насамрэч знаходзіцца побач з курскім пляжам, на якім ад украінскіх дронаў пацярпелі людзі4

Беларусы ва Уроцлаве плятуць маскіровачныя сеткі для Украіны1

На вайне ва Украіне загінуў расійскі актывіст, які быў супраць вайны і заклікаў не ісці на яе4

Фрыдман: Чаму амерыканцы раптам павінны паставіць сваёй мэтай вызваленне палітзняволеных у Беларусі і яшчэ больш — абмяняць іх на санкцыі?7

Карова цяжка траўмавала дзяўчынку ў Бярозаўскім раёне1

На чацвер зноў абвешчаны аранжавы ўзровень, і ёсць трывожны званочак2

больш чытаных навін
больш лайканых навін

Польшча прызнала Аляксандра Машэнскага непажаданай асобай35

Польшча прызнала Аляксандра Машэнскага непажаданай асобай

Галоўнае
Усе навіны →

Заўвага:

 

 

 

 

Закрыць Паведаміць