У Пецярбургу былому паліцэйскаму далі 14 гадоў пазбаўлення волі з-за надпісаў «Універсітэт за забойцаў» і «РПЦ за забойцаў»
Першы заходні Акруговы ваенны суд прысудзіў былога паліцэйскага Канстанціна Падашвелева да 14 гадоў пазбаўлення волі па абвінавачванні ў вандалізме, пашкоджанні аб'ектаў культурнай спадчыны і ўдзеле ў тэрарыстычнай арганізацыі, паведамляе «Медыазона».
Мужчыну затрымалі 14 лютага 2024 года. Першапачаткова крымінальную справу супраць яго завялі з-за надпісу «Універсітэт за забойцаў» на сцяне Політэхнічнага ўніверсітэта, і «РПЦ за забойцаў» — на сценах храма Пакрова Прасвятой Багародзіцы і храма іконы Божай Маці «замілаванне».
У сакавіку 2025 года стала вядома, што яму дадалі артыкул аб удзеле ў дзейнасці тэрарыстычнай арганізацыі праз тое, што ён наносіў надпісы нібыта на заданні легіёна «Свабода Расіі».
Падашвелеў не прызнаў віну. Паводле яго, у ноч з'яўлення надпісаў ён быў дома, бо незадоўга да гэтага яго выпісалі з лякарні пасля аперацыі. Абарона падчас спрэчак паказвала, што следства так і не знайшло сувязі паміж легіёнам «Свабода Расеі» і кантактамі ў прыладах мужчыны.
Падашвелеў падчас судовага працэсу распавёў пра збіццё пры затрыманні і пагрозы на допытах.
Цяпер чытаюць
Начальнік міліцыі Брагіна страляў у сваю жонку. Яна цудам выжыла9
Каментары