«Раней быў смачнейшы». У тыктоку абмеркавалі мінулае і сучаснасць квасу з жоўтай бочкі
Берасцейка Таццяна, якая цяпер жыве ў Польшчы, прыехала дадому і, убачыўшы знаёмую з дзяцінства жоўтую бочку з квасам, зняла пра гэта відэа і выклала яго ў тыкток. Ролік хутка стаў папулярным — больш за 160 тысяч праглядаў — і выклікаў бурныя спрэчкі ў каментарыях. Людзі абмяркоўваюць, ці бяспечна цяпер піць квас з такіх бочак і ці захаваўся ягоны смак, піша BG.Media.
Некаторыя сцвярджаюць, што бочкі ржавыя і не адпаведныя санітарным нормам, згадваючы пра нібыта цвіль і нават «жыўнасць» унутры.
Іншыя настальгуюць па дзяцінстве і сцвярджаюць, што цяпер усё зусім інакш — унутры сучасная алюмініевая капсула, цеплаізаляцыя, а сам квас заліваецца ў стэрыльных умовах. Таксама згадваецца, што санстанцыя рэгулярна правярае бочкі, а без спецыяльнай даведкі з завода іх не напаўняюць.
Што да смаку, то і тут меркаванні падзяліліся. Адныя лічаць, што цяпер квас — гэта ўжо «не той» напой, што ён стаў вадкім, «парашковым» і страціў натуральнасць. Іншыя, наадварот, сцвярджаюць, што квас па-ранейшаму смачны і проста выклікае прыемныя ўспаміны з дзяцінства.
Раней квас для гэтых бочак рабіла «Брэсцкае піва», але апошнім часам напой закупляюць у іншых вытворцаў, напрыклад, у Бярозаўскага камбіната кааператыўнай прамысловасці.
Цяпер чытаюць
«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі9
Каментары
Поэтому у пьющих было принято интересоваться, вкусный ли квас на этой точке.
Лет десять назад привезли мне разливной из бочки в пластиковой бутылке, но не самодельный потребкооперации, а заводского производства ОАО «Лидское пиво», так он без газирования даже вкуснее, чем их лидский бутилированный.