Ці ўдалося ЗША знішчыць галоўны Іранскі ядзерны бункер, пакуль не зразумела
Бамбавікі ЗША скінулі некалькі супрацьбункерных бомбаў GBU — 57 на абагачальны камбінат у Фардо, размешчаны пад гарой. Са слоў прэзідэнта Дональда Трампа, камбінат «сцёрты з зямлі». Аднак іншыя чыноўнікі, у тым ліку віцэ-прэзідэнт Джэй Дзі Вэнс, міністр абароны Піт Хэгсет і генерал Дэн Кейн пакуль устрымаліся ад падобных сцвярджэнняў.
Іранскія прапагандысты, са свайго боку, сцвярджаюць адваротнае — што цэнтрыфугі цэлыя, піша BILD.
Спадарожнікавыя здымкі паказваюць Фардо пасля нападу. На іх бачныя месцы трапляння бомбаў — тры ўпалі ў адным месцы і тры ў іншым, зусім блізка адна да адной. Гэта паказвае, што амерыканскія пілоты (у тым ліку дзякуючы працы ізраільскай выведкі), відавочна, дакладна ведалі, у якія кропкі трэба скідаць бомбы.
«Аналіз кропак трапляння на плане мясцовасці Фардо паказвае, што яны мэтанакіравана абраныя для паразы асноўных калідораў аб'екта. Гэтыя калідоры знаходзяцца пад самым тоўстым пластом пароды, гэта месца, дзе адбываецца ўзбагачэнне ўрану», — напісаў ізраільскі аналітык Бэн Цыён Макалес у X.
У месцах трапляння GBU-57 няма характэрных варонак.
Эксперты тлумачаць гэта тым, што бомбы ўзарваліся глыбока пад пародай. Акрамя ўваходных адтулін, яны выклікалі прасяданне пароды. Гэта паказвае на тое, што выбухі адбыліся і выклікалі абвальванне падземных аб'ектаў, але маштаб гэтых абвальванняў усё роўна няясны.
Такім чынам, стан паверхні амаль нічога не кажа нам пра тое, ці цэлыя бункеры і ядзернае абсталяванне.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары
у скальным грунце - пранікненне можа быць недастатковым.
Зрэшты не варта разлічваць, што шасцю бомбамі можна нешта вырашыць - гэта трохі тэатральная акцыя