У Кеніі ўспыхнулі маштабныя антыўрадавыя акцыі, прымеркаваныя да дня гадавіны масавых пратэстаў супраць павышэння падаткаў 2024 года.
Як паведамляе Reuters са спасылкай на кіраўніка Amnesty Kenya Ірунгу Хоутана, падчас выступленняў 25 чэрвеня загінулі як мінімум 16 чалавек. Паводле яго слоў, гэтыя даныя былі правераны Сусветнай арганізацыяй па кантролі за выкананнем правоў чалавека і Нацыянальнай камісіяй Кеніі па правах чалавека (KNCHR). «Большасць з іх былі забіты паліцыяй», — сказаў Хоутон, дадаўшы, што як мінімум пяць чалавек былі застрэленыя.
На вуліцы Найробі, Мамбасы, Кітэнгелы, Кісіі, Матуу і Ньеры раніцай у сераду, паводле даных NTV, выйшлі тысячы кенійцаў. Яны хацелі ўшанаваць памяць ахвяр леташніх дэманстрацый, падчас якіх загінулі больш за 60 чалавек, а пратэстоўцы штурмавалі парламент.
У сталіцы краіны Найробі паліцыя ўжыла слёзацечны газ і вадамёты для падаўлення пратэстаў. У KNCHR са свайго боку паведамілі, што па ўсёй краіне падчас пратэстаў пацярпелі больш за 400 чалавек, сярод якіх дэманстранты, супрацоўнікі паліцыі і журналісты. Паводле іх дадзеных, загінулі восем дэманстрантаў.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары