Лукашэнка прызначыў новых амбасадараў у Егіпет, Венесуэлу і Кенію
Аляксандр Лукашэнка абнавіў кіраўніцтва беларускіх дыпламатычных місій у шэрагу дзяржаў, піша БЕЛТА.
Яўген Сабалеўскі назначаны Надзвычайным і Паўнамоцным Паслом Беларусі ў Егіпце і па сумяшчальніцтву ў Алжыры, Амане, пастаянным прадстаўніком Беларусі пры Лізе арабскіх дзяржаў.
Зміцер Красоўскі будзе кіраваць беларускай дыпмісіяй у Кеніі. Ён таксама прызначаны па сумяшчальніцтве пастаянным прадстаўніком Беларусі пры Афрыканскім саюзе, Праграме ААН па навакольным асяроддзі і Праграме ААН па населеных пунктах.
Надзвычайным і Паўнамоцным Паслом Беларусі ў Венесуэле стаў Дзмітрый Дзеравінскі.
А пасол Беларусі ў ААЭ і па сумяшчальніцтве ў Кувейце Ігар Белы таксама прызначаны па сумяшчальніцтве паслом у Бахрэйне.
Акрамя таго, Лукашэнка даў згоду на прызначэнне Яўгеніі Барткевіч генеральным консулам Беларусі ў Стамбуле (Турцыя).
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары