У Гомельскім клубе адзінаборстваў мужчына краў грошы ў дзяцей. Трэнеры яго знайшлі і прымусілі выбачацца на камеру
Мужчына патлумачыў, што быў п'яны і не разумеў, што робіць. Знайшлі яго зусім выпадкова.
У Гомельскім клубе адзінаборстваў нецвярозы мужчына краў у дзяцей грошы. Падчас заняткаў ён зайшоў у пераапранальні і пачаў шукаць па заплечніках.
Рабіў гэта злодзей проста пад камерай назірання. Клуб lionclub.by апублікаваў запіс з камеры ў TikTok і папрасіў гамельчукоў паведаміць, калі яны раптам сустрэнуць гэтага мужчыну.
"Внимание! Вчера в детском клубе «Лион» (дзюдо, 17-й микрорайон, Гомель) неизвестный мужчина похищал личные вещи детей. Если вы узнаёте этого человека или знаете, где он находится, просьба связаться с администрацией клуба по телефону: +375 (29) 639-39-79. Помогите найти вора!"
Але дапамога ў выніку не спатрэбілася. Кіраўнік школы адзінаборстваў зусім выпадкова сутыкнуўся са злодзеем на вуліцы, пішуць «Сільные Новости».
«Выпадкова сутыкнуўся з ім на вуліцы — пазнаў па бейсболцы і футболцы, прыгледзеўся і зразумеў, што гэта ён. Проста падышоў і ўзяў за плячо, спытаў, навошта ён так зрабіў. Ён не стаў уцякаць», — распавёў менеджар клуба.
З мужчынам правялі прафілактычную гутарку і прымусілі папрасіць прабачэння перад дзецьмі на камеру. Відэа з прабачэннямі клуб таксама апублікаваў у TikTok.
«Дзеці, даруйце мне, калі ласка. Я здзейсніў вельмі дрэнны ўчынак, прашу прабачэння… Тое, што так зрабіў — быў моцна п'яны, такое ніколі не здейсніў бы…» — кажа мужчына ў бейсболцы.
Пасля гэтага мужчыну перадалі міліцыянерам.
Цяпер чытаюць
Дзмітрыя Лукашэнкі не было з бацькам і братамі на адзначэнні 3 Ліпеня2
Каментары