Сеул, сталіцу Паўднёвай Карэі, запаланілі не вельмі звыклыя для мясцовых жыхароў чорныя жукі. Яны спрэс пакрываюць дрэвы, дарогі і нават лётаюць каля людзей. Спецыялісты звязваюць гэта з пацяпленнем клімату, якое спрыяе распаўсюджванню гэтых казурак, піша The Guardian.
Жукі належаць да віду Plecia longiforceps, якія паходзяць з субтрапічных рэгіёнаў Кітая, Тайваня і японскіх астравоў Рукю. У Паўднёвай Карэі іх упершыню заўважылі ў 2022 годзе, і з таго часу колькасць гэтых казурак толькі расце.
Павышаная спёка ў горадзе, звязаная з эфектам гарадскога цеплавога вострава, робіць Сеул асабліва прывабным для гэтых жукоў. Колькасць скаргаў ад жыхароў у 2024 годзе павялічылася амаль удвая ў параўнанні з 2023-м.
Хоць жукі і выглядаюць непрыемна, яны не нясуць непасрэднай небяспекі для людзей і нават карысныя для прыроды: дарослыя асобіны дапамагаюць апыляць кветкі, а іх лічынкі разкладаюць арганіку ў глебе. Таму ўлады не раяць бесперапынна выкарыстоўваць супраць іх хімічныя сродкі барацьбы, каб не пашкодзіць іншым жывым істотам.
Жыхарам жа раяць насіць цёмнае адзенне і выкарыстоўваць вадзяныя або светлавыя пасткі, а таксама ліпкія паверхні каля вулічнага асвятлення.
Акрамя таго, колькасць жукоў павінна скараціцца да сярэдзіны жніўня, бо дарослыя асобіны жывуць нядоўга.
Цяпер чытаюць
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю2
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
[Зрэдагавана]
[Зрэдагавана]