Вызвалены з беларускай турмы блогер Сяргей Ціханоўскі запісаў першы ролік на сваім канале «Краіна для жыцця», які гэты час вялі яго паплечнікі. Ціханоўскі аб'явіў, што збірае каманду.
Сяргей Ціханоўскі гаворыць, што ў яго шмат хто пытае, як можна далучыцца да каманды і дапамагчы ў дасягненні «галоўнай мэты — дэмакратыі ў Беларусі».
«Я планую натхніць і матываваць беларусаў за мяжой і ў самой Беларусі і ўжо праз тры тыдні нанесці моцны ўдар па лукашызме і яго прапагандзе. І вы ўсе ўбачыце вынік», — абяцае ён.
Ён распавёў, што ў бліжэйшы час будзе сустракацца з беларусамі ў розных краінах і гарадах ЕС, ЗША і Канады. «Калі вы хочаце, каб мы з камандай прыехалі ў ваш горад або краіну, пакіньце паведамленне і падтрымайце нас праз спасылку пад відэа на YouTube-канале «Краіна для жыцця», — дадаў ён.
Ціханоўскі гаворыць, што праводзіць сустрэчы са СМІ і блогерамі, апазіцыяй і структурамі грамадзянскай супольнасці, каб аб’яднаць беларускія сілы «для адзінага ўдару».
«Людзі чакаюць ад мяне хуткіх і эфектыўных дзеянняў — і я іх здзейсню. Але без вашай падтрымкі гэта немагчыма. Каб знішчыць дыктатуру ў Беларусі і фінансаваць канкрэтныя крокі, кожны з якіх можа стаць вырашальным для нашай перамогі, мне патрэбна ваша дапамога», — даводзіць ён.
-
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця
-
Сахашчык пачаў продажы кватэр у сваім новым праекце пад Варшавай
-
Выйшаў на свабоду Аляксандр Раентаў — у 2020-м яго затрымалі ў тралейбусе разам з сястрой, яе пасадзілі за ўкус сілавіка
Цяпер чытаюць
Дзве ўдачы, дзякуючы якім адбылася кар'ера новага прэс-сакратара МЗС Руслана Варанкова13
Каментары