Кіраўнік Ліды заклікаў сілавікоў не спыняць палітычных рэпрэсій
Старшыня Лідскага райвыканкама Аляксандр Вярсоцкі браў удзел у пашыранай нарадзе мясцовага РАУС, на якім падводзіліся вынікі працы за апошняе паўгоддзе. Як адзначаецца ў надрукаваным у мясцовай дзяржаўнай газеце рэпартажы, ён у сваёй прамове «адзначыў плённую сумесную працу па вырашэнні актуальных пытанняў» і нагаварыў міліцыі шмат кампліментаў.
«Наш грамадскі парадак, дысцыпліна, якая на сённяшні дзень існуе ў грамадстве, — гэта таксама ваша заслуга. Дзякуй Вам за плённую працу ў 2020 годзе.
Ёсць такі дэвіз: «Не забудзем, не даруем». Мы не можам дараваць тым людзям, якія хацелі тады нашу краіну перакуліць. Праца праваахоўных органаў у гэтым кірунку ідзе планамерна па гэты дзень — не спыняйцеся!
Вытрымаем — захаваем мірнае неба над галавой. Не дамо сілам звонку спарадзіць ўнутры нашага грамадства негатыўныя сітуацыі», — заявіў вертыкальшчык.
Праўда, у справаздачы аб дзейнасці мясцовай міліцыі за паўгоддзе пункт пра выяўленне палітычных «злачынстваў» ці то не прысутнічаў увогуле, ці то быў абыйдзены ўвагай аўтарамі рэпартажу.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі6
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
Хотя твои за тобой первые придут