Міністэрства злучэння Латвіі падрыхтавала праект нарматыўнага рэгулявання аб усталяванні абмежаванняў на перасячэнне мяжы Латвійскай Рэспублікі з Рэспублікай Беларусь і Расійскай Федэрацыяй аўтобусамі, паведамляе Delfi.lv.
«Міністэрства злучэння сумесна з Аўтатранспартнай дырэкцыяй і ў кансультацыі з Міністэрствам унутраных спраў сабралі даныя, якія паказваюць рост колькасці пасажыраў у аўтобусных перавозках у Беларусь і Расію. Такая сітуацыя ўзмацняе рызыкі бяспекі на знешняй мяжы дзяржавы, таму падрыхтавана нарматыўнае рэгуляванне, якое прадугледжвае абмежаванні ў пасажырскіх перавозках у Беларусь і Расію», — растлумачыў неабходнасць распрацоўкі ўрадавага распараджэння міністр Атэс Швінка.
Урадавым распараджэннем будзе ўсталяваны абавязак для Дзяржаўнай пагранічнай аховы з 15 кастрычніка 2025 года не дапускаць, каб пасажырскія перавозчыкі ажыццяўлялі міжнародныя нерэгулярныя пасажырскія перавозкі аўтобусамі праз мяжу Латвіі з Беларуссю і Расіяй у пунктах пропуску на аўтадарогах у Патэрніеках (мяжа з Беларуссю), Грэбнева і Церахава.
Учора стала вядома, што ў сувязі з пастановай урада Літвы аб надзвычайным становішчы міжнародныя аўтобусныя маршруты абмежаваныя да 29. На кожным маршруце дазволены толькі адзін рэйс у кожны бок на адным аўтобусе.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу1
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку4747
Каментары