Барацьба з чорнымі капальнікамі — адзін з прыярытэтаў дзейнасці археолагаў. Пра гэта паведаміў на прэс-канферэнцыі «Развіццё сучаснай беларускай археалогіі» Вадзім Лакіза, дырэктар Інстытута гісторыі Нацыянальнай акадэміі навук Беларусі, піша sb.by.
Вадзім Лакіза адзначыў, што дзеяннямі чорных капальнікаў наносіцца сур'ёзная шкода навуцы, паколькі яны не выконваюць правілы, якія дапамагаюць зберагчы гістарычную і культурную спадчыну. Між тым алгарытм дзеянняў пры выяўленні гістарычнага артэфакта узростам больш за 120 гадоў дакладна прапісаны ў Кодэксе аб культуры і іншых нарматыўных актах.
Для захаванасці археалагічнай спадчыны Інстытутам гісторыі НАН распрацаваны план па супрацьдзеянні незаконнаму абарачэнню і пошуку артэфактаў. Артыкул 20.6 Кодэкса аб адміністрацыйных правапарушэннях прадугледжвае сур'ёзныя штрафы за незаконныя пошук і абарачэнне археалагічных артэфактаў — да 50 базавых велічынь. Магчымая таксама канфіскацыя прылад або сродкаў правапарушэння.
Фізічныя асобы і цяпер не маюць права выкарыстоўваць металадэтэктар без дазволу НАН на права правядзення археалагічных даследаванняў. Аднак пакуль гэтыя меры не прыносяць жаданага выніку.
«Працоўная група па маніторынгу сайтаў, дзе прадаюцца незаконна здабытыя археалагічныя рэдкасці, рэгулярна выяўляе такія факты. Ім даецца ацэнка, рыхтуюцца лісты для рэагавання ў адпаведныя ведамствы. Цяпер археолагі выступілі з прапановай увесці забарону на выкарыстанне фізічнымі асобамі металадэтэктараў. Такая мера можа дзейнічаць да прапрацоўкі ліцэнзавання гэтага віду дзейнасці, рэгістрацыі і прысваення нумара інструменту», — расказаў Вадзім Лакіза.
Сяргей Ліневіч, навуковы супрацоўнік аддзела археалогіі першабытнага грамадства Інстытута гісторыі НАН, лічыць, што праблема чорнага капальніцтва яшчэ і ў тым, што многія людзі не ўспрымаюць яго як нешта супрацьзаконнае, лічаць сваім хобі.
«Трэба пачынаць змагацца з гэтым са школьнай парты, каб дзеці і дарослыя разумелі, што могуць знішчыць у выніку незаконнай пошукавай дзейнасці, якія матэрыялы мы губляем», — падкрэсліў ён.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць1
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары