«Пазыкі ўзялі, вярнуць не могуць». Лукашэнка растлумачыў, што не так рабіў на «Амкадоры» Аляксандр Шакуцін
На нарадзе Лукашэнкі з кіраўніцтвам урада быў разгледжаны праект указа, які мае на мэце комплекснае фінансавае аздараўленне холдынга «Амкадор». Лукашэнка назваў яго «найважнейшым і найкаштоўнейшым заводам», які цяпер, аднак, знаходзіцца ў складанай сітуацыі, піша БелТА.
Сёння холдынг «Амкадор» перажывае цяжкія часы. Лукашэнка заявіў, што адной з прычын цяжкасцяў магло стаць пастаяннае пашырэнне асартыменту і выпуск многіх навінак, на што браліся пазыкі.
«Паколькі ранейшыя ўладальнікі холдынгу сумленна прызналі, што больш не могуць забяспечваць вяртанне запазычаных сродкаў (гэта значыць прызналі, што пазыкі ўзялі, вярнуць не могуць), мы былі вымушаныя прыняць кіраўнічую кампанію ва ўласнасць дзяржавы», — патлумачыў палітык тое, што нядаўна прадпрыемства забралі ў праўладнага бізнэсмена Аляксандра Шакуціна.
Мэтай урада пасля таго была падрыхтоўка комплекснага рашэння па аздараўленні «Амкадора», якое ўключае захаванне вытворчасці, наяўных кампетэнцый і абарону калектыву.
Лукашэнка адзначыў, што цяпер, маўляў, не час распыляцца на ўсе віды прадукцыі, неабходна засяродзіцца на найбольш запатрабаваных і серыйных мадэлях, забяспечваючы іх якасць і канкурэнтаздольнасць. Усе новыя праекты павінны фінансавацца толькі за кошт уласных сродкаў холдынга, бо дзяржава ўжо нібыта не будзе выдаваць крэдыты пад рызыку непагашэння.
Асобную ўвагу звярнулі і на імпартазамяшчэнне. Каб не залежаць ад паставак з Еўропы, чарговы раз пастаўлена задача развіваць уласныя распрацоўкі і павялічваць долю лакалізацыі вытворчасці да максімуму. Калі неабходна, дазволена супрацоўнічаць з расійскімі пастаўшчыкамі.
У чэрвені 2025 года кіраўніком «Амкадора» быў прызначаны Аляксандр Яфімаў, які раней працаваў на прадпрыемстве і на пасадзе міністра прамысловасці.
ААТ «Амкадор» — беларуская машынабудаўнічая кампанія. Яна займаецца вытворчасцю і рэалізацыяй спецыяльных машын для дарожна-будаўнічай, лагістычнай, торфаздабыўной, камунальнай, лясной, сельскагаспадарчай галін. Па стане на 2022 год у структуру холдынгу «Амкадор» уваходзіла 26 прадпрыемстваў, у тым ліку 17 заводаў у Беларусі і Расіі.
Новапрызначаны дырэктар «Амкадора» расказаў, у чым праблемы прадпрыемства
Лукашэнка абвінаваціў у праблемах на «Амкадоры» ягонага былога ўладальніка
Лукашэнка прызнаў вялікія праблемы на «Амкадоры»
Знайшлося яшчэ адно пацвярджэнне таго, што «Амкадорам» кіруе не Шакуцін, а менеджары БелАЗа
Лукашэнка нацыяналізаваў «Амкадор». Шакуцін стаў простым беларускім пенсіянерам
Пра што маўчыць Аляксей Францкевіч, якому Польшча закрыла ўезд на 10 гадоў55
Каментары
Чего сашок и добивался много лет - его заветная мечта исполнилась.