Трамп запытаўся ў Орбана, чаму ён блакуе ўступленне Украіны ў Еўрасаюз
Як паведамляе агенцтва Bloomberg са спасылкай на свае крыніцы, у панядзелак Дональд Трамп абмяркоўваў з прэм’ер-міністрам Венгрыі Віктарам Орбанам пытанне блакавання Венгрыяй перамоў аб уступленні Украіны ў Еўрапейскі саюз.
Прэм'ер-міністр Венгрыі Віктар Орбан. Фота: AP Photo / Denes Erdos
Падставай для кантакту стала просьба еўрапейскіх лідараў, якія разам з Уладзімірам Зяленскім былі на сустрэчы ў Белым доме. Яны звярнуліся да амерыканскага прэзідэнта з просьбай неяк паўплываць на Будапешт.
Сам Орбан ужо пасля размовы адзначыў ў фэйсбуку, што сваю пазіцыю не зменіць, бо, на яго думку, сяброўства Украіны ў ЕС не забяспечвае гарантый бяспекі.
У ходзе размовы венгерскі бок таксама паведаміў пра гатоўнасць разгледзець варыянт арганізацыі ў Будапешце новага раўнду перамоў паміж Пуціным і Зяленскім.
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары
Вось дык нумар! Гэта значыць, Ляпідарна Геніяльны Найлепшы Прэзыдэнт за Сто Гадоў слухае «левакоў», «левалібэралаў» і «глябалістаў»? Выяўляецца, ён ускосна дапамагае ўступленьню Украіны ў «эўрасавок»? Дык можа, Трампа падкупілі «глябалісты»? Або, можа, падмянілі яго на двайніка? Незадача... Спадзяюся, новая ляпідарна геніяльная факсаграма нам усё растлумачыць!
Дарэчы папярэдняя навіна пра Обана на НН была такая: "Орбан: Трамп часта пытаецца, калі Венгрыя выйдзе з Еўрасаюза"
Дональд Трамп