У Італіі турыстам забаранілі будаваць пясочныя замкі. Увялі і іншыя абмежаванні
У Рыме, напрыклад, турыстам нельга сядзець на Іспанскай лесвіцы або цягнуць па ёй чамаданы.
Улады папулярных турыстычных рэгіёнаў Італіі ўвялі строгія правілы для адпачывальнікаў. Парушальнікам пагражаюць штрафы да 7000 еўра ці нават да паўгода турмы. Як патлумачыла міністр турызму Даніэла Сантанке, краіна «любіць турыстаў, але чакае павагі», піша Bild.
У прыватнасці, на Сардзініі цяпер нельга будаваць пясочныя замкі, капаць ямы на пляжы або забіраць пясок і ракавінкі — штраф за гэта дасягае 3000 еўра. У Лігурыі забароненыя шлёпанцы на горных сцежках, а на востраве Капры — абутак, які занадта гучна стукае па бруку.
У Рыме турыстам забаронена сядзець на Іспанскай лесвіцы або цягнуць па ёй чамаданы — штраф можа скласці 400 еўра. У Калабрыі ў горадзе Прая-а-Марэ дзецям да 14 гадоў нельга знаходзіцца на вуліцы пасля 0:30 ночы, інакш бацькі павінны будуць заплаціць 250 еўра.
Асобна італьянскія ўлады зрабілі больш жорсткім пакаранне за куплю падробленых дызайнерскіх рэчаў: турыст, які набыў фальшывыя сумкі або гадзіннікі, рызыкуе атрымаць да 7000 еўра штрафу або турэмны тэрмін да 6 месяцаў.
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары