У Брэсцкай вобласці сетка платных прыбіральняў схавала ад падаткаў больш за 150 тысяч рублёў наяўнай выручкі, паведамляе прэс-служба Міністэрства па падатках і зборах.
Праверка паказала, што гэтыя грошы ішлі на «канвертныя» заробкі. Акрамя таго, уладальнік бізнэсу займаўся продажам страхавых полісаў для выезду ў ЕС ад імя замежнай страхавой кампаніі — такая дзейнасць у Беларусі забароненая. Прыбытак ад яе склаў больш за 200 тысяч рублёў.
У выніку шэсць касіраў і сам прадпрымальнік прыцягнутыя да адміністрацыйнай адказнасці за парушэнні прыёму наяўных. Таксама распачаты працэс за незаконную прадпрымальніцкую дзейнасць. Бізнэсу пагражае штраф да 500 базавых велічынь і канфіскацыя нелегальнага прыбытку.
У МПЗ нагадалі, што адказнасць не вызваляе ад неабходнасці выплаціць падаткі з утойванай выручкі, у тым ліку з «шэрых» заробкаў.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі15
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1313
Каментары