Палітзняволеную, якую судзілі з братам Латушкі, не выпусцілі па заканчэнні тэрміну. Завялі новую крыміналку
Некалькі дзён таму Алена Маліноўская мусіла выйсці на волю пасля амаль 4 гадоў за кратамі. Але жанчыну проста з калоніі перавезлі пад варту ў Мінск.
Алену Маліноўскую затрымалі 31 студзеня 2022 года і асудзілі ў верасні таго ж года. Жанчына праходзіла па адной справе з яшчэ двума палітзняволенымі — Ліліяй Ананян і Анатолем Латушкам, стрыечным братам палітыка Паўла Латушкі.
Алена атрымала 4 гады калоніі па ч.2 артыкула 339 («хуліганства») і артыкуле 370 («здзек з дзяржаўных сімвалаў») Крымінальнага кодэкса. Жанчыну абвінавацілі ў тым, што яна малявала ў пад'ездах праз трафарэты герб «Пагоня» і спаліла дзяржаўны сцяг.
Некалькі дзён таму Алена мусіла выйсці на волю, але яе так і не выпусцілі. Як расказалі «Нашай Ніве» сябры Алены, жанчыну перавезлі ў Мінск, дзе завялі на яе новую крымінальную справу, у гэты раз па артыкуле 342 — верагодна, па абвінавачванні ва ўдзеле ў пратэстах.
Цяпер жанчына знаходзіцца пад вартай.
«Наша Нiва» — бастыён беларушчыны
ПАДТРЫМАЦЬЦяпер чытаюць
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары