«Яшчэ б баршчэўнік дадала». Дзяўчына сабрала дзіцяці на лінейку ў школу букет палявых кветак і нарвалася на хэйт
Дзяўчына па імені Марыя выклала ў тыктоку відэа, як для букета настаўніку на 1 верасня назбірала кветкі на полі. Ролік паглядзелі амаль 2 млн разоў і вельмі эмацыйна абмеркавалі ў каментарах, заўважыў Onliner.
Марыя расказала, што кветкі прызначаны для яе пляменніка — ён ідзе ў другі клас у новую школу. Сама яна па адукацыі таксама настаўнік, і яе такі фармат букета абсалютна не бянтэжыць.
— Хтосьці цяпер назаве мяне жміндай, але я за базавы мінімум, а не за раскошны максімум. І аддаваць 250—300 рублёў за букет, атрымліваючы заробак у 1,5 тысячы, гэта зусім не мэтазгодна. Гэта не лічачы таго, што дзіця яшчэ трэба сабраць да школы, — разважае Марыя. — Скажу вам па сакрэце, як робяць выкладчыкі: букецікі рублёў па 350-400 яны забіраюць з сабой, а астатнія — на сметнік.
Спрэчным аказаўся і склад букета. Многія разгледзелі сярод кветак сумнік, яго назвалі небяспечным.
«Калі б мне падарылі вядро травы з сумнікам, я б не змагла адэкватна ставіцца да гэтага вучня. Я тры гады ўчастак ад яго ратавала, гэта гадасць тая яшчэ. Ужо лепш наогул без букета, чым такое «хараство».
«Так, сумнік канадскі ў букет — гэта магутна, яшчэ б баршчэўнік дадала».
«Сумнік – інвазіўная расліна для РБ. Яго трэба выкошваць і знішчаць да з'яўлення насення, а не ў букеціках дарыць».
«Сумнік — рэч магутная, алерген і змяшчае ў сабе кучу ўсякай поскудзі тыпу кляшчоў, мошак і вусеняў».
Былі прапановы, як інакш павіншаваць настаўніка:
«Сланечнік і палявая трава — гэта модна ў вузкіх колах. Але для многіх гэта па-дзіцячы, па-хатняму. Ёсць і іншае рашэнне — падарыць сціплую адну кветку і пакаванне прыгожае, прыемную канцылярыі. Расходнікі ў любой прафесіі лішнімі дакладна не будуць».
Але большасць падтрымалі аўтарку відэа:
«Мне здаецца, людзі ў апошні час занадта зацыкліліся на кошце і «маштабнасці» падарункаў. Букет палявых кветак можа выглядаць не горш, а часам нават лепш за самыя дарагія кампазіцыі — у ім ёсць натуральнасць, свежасць і душа. А ўжо сланечнікі ўвогуле здольныя падарыць настрой самі па сабе».
«Вельмі добра, такія букеты самыя душэўныя!»
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары
добавить
1) дабавіць прыбавіць
2) (сказать или написать в дополнение) дадаць
>назаве мяне скупяндай, --- СКНАРАЙ