У Жлобінскім раёне кіроўца так газаваў, што пасажырку выкінула ў акно. Мужчына без яе паехаў далей
Кіроўца кінуў без дапамогі родную цётку.
Ілюстрацыйны здымак. Фота: vecteezy.com
Жыхар аграгарадка Майскае без правоў сеў за руль і ледзь не загубіў сваячку.
У канцы мая мужчына ўначы ехаў са сваёй цёткай на аўтамабілі «ВАЗ». Бачнасць была абмежаваная, быў дождж. Вясковец перавысіў хуткасць і машына перавярнулася, піша «Гомельская праўда».
У машыне не было рамянёў бяспекі, таму пасажырка вылецела ў акно задняга сядзення. Пляменнік з месца ДТЗ уцёк, не аказаўшы дапамогу роднаму чалавеку.
Суд Жлобінскага раёна прызначыў яму два гады пазбаўлення волі ў калоніі агульнага рэжыму з пазбаўленнем права кіраваць транспартным сродкам на працягу пяці гадоў, а таксама штраф у памеры 50 базавых велічыняў (2100 беларускіх рублёў).
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары