Заснавальнік канала «Беларусь галаўнога мозгу», адзін з самых таленавітых блогераў краіны, правёў за кратамі больш за 5 гадоў. А прысудзілі яму ўвогуле 15 гадоў. Лосік перажыў сямейную драму — у 2022-м арыштавалі яго жонку Дар’ю. Падчас зняволення яна вырашыла развесціся з Ігарам.
Выйшаў на свабоду адзін з найпапулярнейшых блогераў Беларусі Ігар Лосік. Яго, стваральніка канала «Беларусь галаўнога мозгу», арыштавалі ў чэрвені 2020 года — яшчэ да пачатку пратэстаў, — прысудзілі да 15 гадоў зняволення і адправілі ў самую жорсткую калонію, наваполацкую.
33-гадовы Ігар Лосік родам з Баранавічаў. Адвучыўся на настаўніка замежных моў у Баранавіцкім дзяржаўным універсітэце, аднак рэалізаваў сябе перадусім як блогер.
Ігар стаў вядомы як стваральнік сеткі каналаў «Беларусь галаўнога мозгу», у якіх у дасціпнай форме асвятляў навіны. З цягам часу ён са сваімі праектамі далучыўся да экасістэмы «Радыё Свабода», вакол якой гуртаваліся многія блогеры.
Па стане на 2020 год найбольшая колькасць падпісчыкаў была ў тэлеграме ў «Беларусі галаўнога мозгу» і ў праекта «Нехта», стваральнік якога Сцяпан Пуціла знаходзіўся ў Польшчы.
А вось Лосік па-ранейшаму жыў у Баранавічах. Там яго і арыштавалі 25 чэрвеня 2020 года. Дома засталіся жонка Дар’я і маленькая дачка Паўліна.
Лосіка ўключылі ў «справу Ціханоўскага», у якой сабралі блогераў і самых небяспечных для Лукашэнкі палітыкаў — Сяргею Ціханоўскаму прысудзілі 18 гадоў калоніі, Міколу Статкевічу — 14 гадоў, Ігару Лосіку — 15 гадоў.
У СІЗА Ігар Лосік ладзіў некалькі галадовак. Апроч таго, ён заклікаў жонку Дар’ю ўсяляк прыцягваць увагу да свайго незаконнага арышту. Яна ладзіла галадоўку салідарнасці, звярталася з відэазваротам да Аляксандра Лукашэнкі, у якім заявіла, што гатовая сесці ў турму ўзамен на вызваленне мужа. Дар’я Лосік давала безліч інтэрв’ю замежным і беларускім незалежным медыя. У выніку ў кастрычніку 2022 года за гэта арыштавалі яе саму. Інтэрв’ю «Белсату» палічылі «садзейнічаннем экстрэмісцкай дзейнасці» і прысудзілі Дар’і 2 гады калоніі. Маленькая дачка засталася з бабулямі і дзядулямі.
Падчас знаходжання за кратамі Дар’я падала на развод і вярнула сабе дзявочае прозвішча Ласякова. У ліпені 2024 года Дар’я выйшла па памілаванні на месяц раней за прызначаны тэрмін.
У красавіку 2024 года быў арыштаваны Мікіта Лосік, брат Ігара. Яго абвінавачвалі па «справе Гаюна». Мікіта атрымаў хатнюю хімію і з'ехаў з Беларусі.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары
Коллега по "бубкам". )))