Беларусь і Польшча сёння ўначы абменьваліся інфармацыяй пра расійскія беспілотнікі — генштаб Беларусі
Беларускі бок адсочваў рух дронаў, што збіліся з курсу, і інфармаваў пра іх польскі і літоўскі бок. Гэта дазволіла польскаму боку аператыўна адрэагаваць на дзеянні беспілотнікаў, падняўшы ў паветра свае дзяжурныя сілы. Пра гэта заявіў начальнік Генеральнага штаба РБ Павел Муравейка.
«У ходзе начнога ўзаемнага абмену ўдарамі беспілотнымі лятальнымі апаратамі паміж Расійскай Федэрацыяй і Украінай дзяжурнымі сіламі і сродкамі па супрацьпаветранай абароне Рэспублікі Беларусь пастаянна адсочваліся беспілотныя лятальныя апараты, якія страцілі курс у выніку ўздзеяння сродкаў радыёэлектроннай барацьбы бакоў.
Частка беспілотнікаў, якія заблукалі, была знішчаная сіламі супрацьпаветранай абароны нашай краіны над тэрыторыяй рэспублікі», — гаворыцца ў заяве.
Па наяўных каналах з 23:00 гадзін 9 верасня да 4:00 10 верасня беларускія дзяжурныя сілы і сродкі абменьваліся інфармацыяй аб паветранай і радыёлакацыйнай абстаноўцы з дзяжурнымі сіламі і сродкамі Польшчы і Літвы, апавясціўшы іх пра набліжэнне невядомых лятальных апаратаў да тэрыторыі іх краін. Гэта дазволіла польскаму боку аператыўна адрэагаваць на дзеянні беспілотнікаў, падняўшы ў паветра свае дзяжурныя сілы, сцвярджае Муравейка.
Польскі бок у сваю чаргу таксама інфармаваў беларускія дзяжурныя баявыя разлікі аб набліжэнні да мяжы Беларусі неапазнаных лятальных апаратаў з тэрыторыі Украіны, дадае ён.
Беларусь і надалей будзе выконваць свае абавязацельствы па абмене інфармацыяй аб паветранай абстаноўцы з Рэспублікай Польшча і краінамі Балтыі, абяцае кіраўнік Генштаба.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары