Грамадства2121

Затрыманы ў Польшчы беларускі таксіст-шпіён быў сябрам «Паспалітага рушэння»

Стала вядома, што грамадзяніна Беларусі, затрыманага за шпіёнскую дзейнасць у Польшчы, завуць Уладзіслаў Надзейка, піша Reform.news («Рэформ» памылкова называе яго прозвішча як «Найдзека»). Ён быў членам Беластоцкай харугвы «Паспалітае рушэнне».

Уладзіслаў Надзейка. Фота з яго выдаленай старонкі ў Аднакласніках

8 верасня супрацоўнікі Агентства ўнутранай бяспекі Польшчы (ABW) затрымалі 33-гадовага Надзейку. Яму выстаўлена абвінавачанне ва ўдзеле ў дзейнасці замежнай разведкі супраць Польшчы.

Раней КДБ Беларусі прызнаў «Беларускую грэнадзёрскую харугву» і звязаны з ёй чат у тэлеграме экстрэмісцкімі фарміраваннямі, а сярод каля трох дзясяткаў чалавек, якія нібыта мелі дачыненне да яе дзейнасці, фігуруе і Надзейка.

У інтэрнэце цяжка знайсці фоты гэтага маладога чалавека, але адшукваецца інфармацыя, што ў 2011 годзе нейкі Уладзіслаў Надзейка быў кіраўніком студэнцкага самакіравання юрфака Гродзенскага ўніверсітэта.

У сеціве таксама можна знайсці інфармацыю, што Надзейка зарэгістраваў у Польшчы індывідуальнае прадпрыемства па перавозцы людзей, якое цяпер закрытае. Раней венгерскія СМІ паведамлялі, што да справы аб разгроме шпіёнскай сеткі КДБ у Еўропе мае дачыненне беларус — апазіцыйны актывіст, які працуе таксістам і жыве на польска-беларускай мяжы.

Уладзіслаў Надзейка. Фота з Reform.news

Пра затрыманне Надзейкі і высылку з краіны беларускага дыпламата паведаміў 9 верасня прэм’ер-міністр Польшчы Дональд Туск. 8 верасня чэшскія ўлады таксама паведамілі пра выяўленую шпіёнскую сетку, якую нібыта спрабаваў стварыць КДБ Беларусі. Супрацоўнік беларускага пасольства ў Празе, верагодна, Мікалай Дукшта, быў аб’яўлены персонай нон грата. Беларускае МЗС палічыла гэта палітычна матываваным рашэннем.

Расследаванне вядзецца пад эгідай EUROJUST пры ўдзеле спецслужбаў Румыніі, Чэхіі і Венгрыі. У Румыніі быў затрыманы былы намеснік кіраўніка Службы інфармацыі і бяспекі Малдовы Аляксандр Балан, якога падазраюць у дзяржаўнай здрадзе і перадачы дзяржаўных сакрэтаў беларускім спецслужбам. Малдова таксама высылае беларускага дыпламата.

«Паспалітае рушэнне» было створана ў верасні 2022 года пад эгідай прадстаўніка Аб’яднанага пераходнага кабінета па пытаннях абароны і нацыянальнай бяспекі Валерыя Сахашчыка і ў лістападзе 2022 года прызнана экстрэмісцкім фармаваннем. У лютым 2023 года была абвешчана пра стварэнне незалежнай патрыятычна-спартыўнай абарончай арганізацыі за межамі Беларусі. У верасні 2023 года арганізацыю пакінуў яе ранейшы кіраўнік Сяржук Кедышка, а ў чэрвені 2024 года «Паспалітае рушэнне» ўзначаліў Сяргей Бульба.

5 жніўня 2025 года было абвешчана, што арганізацыя спыняе сваю дзейнасць. Паводле польскага рэестру юрыдычных асоб, рашэнне пра ліквідацыю было прынята яшчэ ў кастрычніку 2024 года ў сувязі з адсутнасцю актываў і фінансавых рэсурсаў.

Каментары21

  • Байбай
    10.09.2025
    Не здзіўлюся калі гэты дзяяч яшчэ быў на міжнароднай абароне.
  • Чаркошквар
    10.09.2025
    [Рэд. выдалена]
  • Барадзед
    10.09.2025
    Спасибо ABW! Убрали этого червяка из нашего сладкого яблочка.

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

У Мінску пачалі будаваць новы касцёл8

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць