Увечары 7 верасня, каля 21:40, у вёсцы Палацічы Тэрэспальскай гміны Люблінскага ваяводства мясцовыя жыхары заўважылі выпаленае месца ў кукурузным полі. На зямлі ляжалі абломкі невядомага лятальнага апарата. Іх знайшлі памежнікі і перадалі сілавікам. Пазней пракуратура пацвердзіла, што гэта быў дрон без узбраення, на якім былі надпісы кірыліцай, паведамляе Onet.pl.
Паводле інфармацыі, вядомай на гэты момант, дрон упаў прыкладна за 300 метраў ад пункта пропуску ў Тэрэспалі на польска-беларускай мяжы. Сведкі расказалі, што чулі гук падзення.
Па даных тэлеканала TVN24, беспілотнік быў заўважаны польскімі вайсковымі радарамі. Ён рухаўся на невялікай вышыні і з малой хуткасцю, пасля чаго пачаў разварочвацца ў бок Украіны. Менавіта таму польскія вайскоўцы вырашылі не збіваць яго, бо ён не ўяўляў прамой пагрозы.
Polsat News паведамляе, што інфармацыю пра беспілотнік загадзя перадаў украінскі бок.
Спецыялісты мяркуюць, што гэта мог быць так званы «вабік» — дрон без баявой нагрузкі або з невялікай колькасцю выбухоўкі. Яго задача — адцягнуць сродкі супрацьпаветранай абароны, каб у гэты час асноўныя атакуючыя беспілотнікі мелі больш шанцаў прарвацца.
Цяпер польскія сілавыя органы і пракуратура працягваюць высвятляць, да якога тыпу належаў гэты дрон і адкуль ён стартаваў.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары