Адміністрацыя Дональда Трампа прапанавала краінам G7 пачаць канфіскацыю замарожаных золатавалютных рэзерваў Расіі, якія былі заблакаваныя ў выніку санкцый. Пра гэта паведамляе Bloomberg са спасылкай на еўрапейскіх дыпламатаў і праект прапановы ЗША.
Паводле звестак Bloomberg, ЗША ўжо абмеркавалі сваю ідэю з прадстаўнікамі Еўропы, дзе знаходзіцца каля дзвюх трацін замарожаных расійскіх актываў. Цяпер ЕС выкарыстоўвае для дапамогі Украіне толькі прыбыткі ад інвеставання гэтых сродкаў. Амерыканцы ж прапануюць паступова канфіскоўваць асноўную суму і стварыць для гэтага прававую базу, каб накіроўваць грошы на аплату вайсковай падтрымкі Кіева.
Акрамя таго, каб прымусіць Пуціна сесці за стол перамоў, Трамп прапануе ўвесці да 100% мытных пошлін супраць Індыі і Кітая за куплю расійскай нафты. Але гэта адбудзецца толькі ў тым выпадку, калі Еўропа далучыцца да такой палітыкі.
Усяго заходнія краіны замарозілі каля $300 мільярдаў расійскіх рэзерваў — гэта прыкладна палова ад усяго аб’ёму. З іх Еўрасаюз заблакаваў каля €200 мільярдаў, увёўшы санкцыі супраць расійскіх Мінфіна, Цэнтрабанка і Фонду нацыянальнага дабрабыту яшчэ ў пачатку вайны.
Афіцыйна расійскі Цэнтрабанк працягвае ўключаць гэтыя сродкі ў свае золатавалютныя рэзервы, якія на пачатак верасня ацэньваліся ў $689,4 мільярда. Аднак рэальна даступная сума можа быць амаль удвая меншай, бо пад блакаванне трапілі ўсе валюты, акрамя кітайскіх юаняў на $100 мільярдаў. Таксама Расія мае залаты запас у больш як 2 тысячы тон, які ў пачатку верасня ацэньваўся прыкладна ў $254,9 мільярда.
Мядзведзеў прыгразіў Лондану забраннем каштоўнасцяў Брытанскай кароны
ЕС выкарыстае караля Бельгіі і закон 1944 года, каб не даць Орбану размарозіць расійскія рэзервы
Парламент Швейцарыі ўхваліў перадачу замарожаных расійскіх актываў Украіне
Еўрасаюз дазволіў канфіскацыю расійскіх актываў еўрапейскімі кампаніямі, у якіх Пуцін адабраў бізнэс у Расіі
Заходнія краіны могуць канфіскаваць замарожаныя актывы Расіі «ў адпаведнасці з міжнародным правам»
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі19
Каментары