Яе напішуць 16 верасня, напярэдадні Дня народнага адзінства.
Рэспубліканская дыктоўка пройдзе ўжо чацвёрты раз, распавёў намеснік начальніка Рэспубліканскага моладзевага цэнтра Moladz.by Аляксандр Елісееў, піша Mlyn.by.
«Першыя тры гады яго тэкст дыктаваў прадстаўнік Саюза беларускіх пісьменнікаў. У гэтым годзе мы вырашылі крыху абнавіць яго форму. Тэкст будзе дыктаваць адзін з папулярных беларускіх моладзевых блогераў. Імя пакуль пакінем у сакрэце. Гэта акцёр, вядучы, дыктар, відэограф. Дыктант пройдзе 16 верасня (пачатак а 11:00). Трансляцыя будзе весціся з Нацыянальнай бібліятэкі, далучыцца да яе можна будзе на YouTube-канале Moladz.by і ў жывым эфіры тэлеграм-канала Moladz.by», — распавёў Аляксандр Елісееў.
Тэкст рыхтуе Акадэмія адукацыі. «Ён традыцыйна будзе на беларускай мове і прысвечаны тэме патрыятызму, аб’яднанню краіны і пытанням гістарычнай памяці. Усе ўстановы вышэйшай адукацыі, а таксама школы падключацца да трансляцыі анлайн. У далейшым мы выкладзем поўны тэкст дыктанта, і ўдзельнікі змогуць праверыць сябе на памылкі. У цэлым складанасць тэксту сярэдняя, арыентаваная на школьнікаў 10—11 класаў. Хачу падкрэсліць, што ўдзельнічаць у дыктанце можа любы ахвотны, трансляцыя даступная ўсім. Таму калі нехта сам хоча паўдзельнічаць, ён падключаецца да трансляцыі, піша дыктант і правярае сябе», — праінфармаваў намеснік начальніка моладзевага цэнтра.
Ён адзначыў, што галоўная мэта мерапрыемства — папулярызаваць свята.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Да «Дня народнага адзінства» памілавалі 25 чалавек4
Каментары