Расіяніну Данілу Багрову далі дзевяць гадоў калоніі па справе аб спробе ваяваць за Украіну
Паўднёвы вайсковы суд прыгаварыў жыхара Пецярбурга Даніла Багрова да дзевяці гадоў пазбаўлення волі паводле артыкула КК РФ аб падрыхтоўцы да дзяржаўнай здрады і падрыхтоўцы да ўдзелу ў тэрарыстычнай арганізацыі, піша «Медыязона».
Асуджаны Даніла Багроў — поўны цёзка героя Сяргея Бадрова-малодшага Данілы Багрова з фільмаў Аляксея Балабанава «Брат» і «Брат-2». Кадр з фільма
Паводле версіі следства, у жніўні 2024 года Багроў, выступаючы супраць вайны ва Украіне, пачаў перапіску з прадстаўніком «Рускага добраахвотніцкага корпуса», які абвешчаны ў Расіі тэрарыстычнай арганізацыяй і забаронены. Пецярбуржац, як лічыць следства, збіраўся ўступіць у вайсковае фармаванне і ваяваць супраць Расіі.
Як сцвярджаюць сілавікі, Багроў набыў квіткі ў Грузію, каб адтуль трапіць ва Украіну, аднак быў затрыманы ў аэрапорце. У якім менавіта і калі — не ўдакладняецца.
Каментары