Сяргей Ціханоўскі застаецца ў Фларыдзе? Новы фэйк канспіролагаў і прапагандыстаў
Прапаганда зноў пачала тыражаваць інфармацыю пра тое, што Сяргей Ціханоўскі атрымаў грамадзянства ЗША і застаецца там на пастаяннае месца жыхарства. Як пацвярджанне прыводзіцца відэа, на якім палітык трымае ў руках пасведчанне кіроўцы, выдадзенае ў Фларыдзе. Маўляў, такое можна атрымаць толькі з дазволам на жыхарства. Але гэта фэйк.
«Сяргею выдалі пасведчанне кіроўцы па звычайнай візе і пашпарце. Катэгорыя B, на паўгода. Больш за тое, пасведчанне кіроўцы ў Фларыдзе атрымаў і яго ахоўнік», — пракаментаваў «Нашай Ніве» прэс-сакратар палітыка Сяргей Бяспалаў.
У відэа сам Ціханоўскі распавёў, што выдаткаваў на правы 48 даляраў і тры гадзіны часу.
«Ніякага працяглага навучання ў аўташколе, ніякіх медыцынскіх даведак. Тэст я здаваў на камп’ютары на рускай мове, а само кіраванне пасля ў дворыку».
Блогер-канспіролаг Віталь «Вірус» Кандраценка не першы раз запускае фэйк пра пераезд Ціханоўскага ў ЗША, але там палітык проста сустракаецца з дыяспарай і мясцовымі палітыкамі па пытанні вызвалення палітвязняў. Таксама запланаваная паездка ў Канаду.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў3
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары