Jaje napišuć 16 vieraśnia, napiaredadni Dnia narodnaha adzinstva.
Respublikanskaja dyktoŭka projdzie ŭžo čaćviorty raz, raspavioŭ namieśnik načalnika Respublikanskaha moładzievaha centra Moladz.by Alaksandr Jelisiejeŭ, piša Mlyn.by.
«Pieršyja try hady jaho tekst dyktavaŭ pradstaŭnik Sajuza biełaruskich piśmieńnikaŭ. U hetym hodzie my vyrašyli krychu abnavić jaho formu. Tekst budzie dyktavać adzin z papularnych biełaruskich moładzievych błohieraŭ. Imia pakul pakiniem u sakrecie. Heta akcior, viadučy, dyktar, videohraf. Dyktant projdzie 16 vieraśnia (pačatak a 11:00). Tranślacyja budzie vieścisia z Nacyjanalnaj biblijateki, dałučycca da jaje možna budzie na YouTube-kanale Moladz.by i ŭ žyvym efiry telehram-kanała Moladz.by», — raspavioŭ Alaksandr Jelisiejeŭ.
Tekst rychtuje Akademija adukacyi. «Jon tradycyjna budzie na biełaruskaj movie i pryśviečany temie patryjatyzmu, abjadnańniu krainy i pytańniam histaryčnaj pamiaci. Usie ŭstanovy vyšejšaj adukacyi, a taksama škoły padklučacca da tranślacyi anłajn. U dalejšym my vykładziem poŭny tekst dyktanta, i ŭdzielniki zmohuć pravieryć siabie na pamyłki. U cełym składanaść tekstu siaredniaja, aryjentavanaja na školnikaŭ 10—11 kłasaŭ. Chaču padkreślić, što ŭdzielničać u dyktancie moža luby achvotny, tranślacyja dastupnaja ŭsim. Tamu kali niechta sam choča paŭdzielničać, jon padklučajecca da tranślacyi, piša dyktant i praviaraje siabie», — prainfarmavaŭ namieśnik načalnika moładzievaha centra.
Jon adznačyŭ, što hałoŭnaja meta mierapryjemstva — papularyzavać śviata.
Kamientary