Метро, новыя дарогі і жыллё: зацвердзілі новы план развіцця мінскіх Шабаноў
Мінгарвыканкам зацвердзіў горадабудаўнічы праект развіцця тэрыторыі сталічнага мікрараёна Шабаны. На афіцыйна апублікаваны дакумент звярнуў увагу «Спутнік».
Шабаны — дастаткова праблемны з пункту гледжання транспартнай даступнасці, экалогіі і інфраструктуры раён горада. Цяпер, здаецца, яго чакаюць перамены да лепшага.
Там з’явяцца новыя дарогі і развязкі, пачнецца будаўніцтва жылля, а галоўнае — нарэшце пабудуюць станцыю метро «Шабаны».
Адзін з асноўных запланаваных праектаў — будаўніцтва буйнога грамадска-гандлёвага цэнтра на скрыжаванні Партызанскага праспекта і вул. Селіцкага, то бок практычна на выездзе з горада.
Для зручнасці пад’езду да ГЦ Green замест святлафораў зробяць развязку з бестармазным рухам. З’явіцца некалькі новых вуліц, а таксама яшчэ адна развязка над чыгункай, якая злучыць вул. Сяліцкага з вул. Свіслацкай, што паменшыць трафік грузавікоў праз Шабаны.
А яшчэ ў мікрараёне плануецца знос некалькіх прамысловых будынкаў, каб вызваліць месца пад жылыя комплексы «шматпавярховай высокашчыльнай забудовы».
«Арабскі шэйх засунуў даляры ў кішэню». Блогер Vadimati Ермашук цяпер працуе ахоўнікам люксавых буцікоў3
Каментары