Прэзідэнт ЗША Дональд Трамп падпісаў указ аб прызнанні руху Антыфа тэрарыстычнай арганізацыяй. У апублікаваным на сайце Белага дома дакуменце сцвярджаецца, што Антыфа заклікае да звяржэння амерыканскага ўрада, знішчэння праваахоўных органаў і ўсёй прававой сістэмы краіны.
Паводле тэксту ўказу, рух вядзе кампанію гвалту і тэрарызму па ўсёй краіне.
«Гэта кампанія ўключае скаардынаваныя дзеянні па перашкодзе выкананню федэральных законаў праз узброеныя сутыкненні з паліцыяй, арганізаваныя беспарадкі, жорсткія напады на супрацоўнікаў іміграцыйнай і мытнай службы, а таксама сістэматычны доксінг і іншыя пагрозы ў адрас палітыкаў і актывістаў», — гаворыцца ў дакуменце.
Ад гэтага часу ўсе адпаведныя дзяржаўныя органы абавязаныя ўдзельнічаць у прадухіленні любых незаконных дзеянняў з боку Антыфа і звязаных з ім асоб, у тым ліку тых, хто атрымлівае фінансаванне ад руху ці яго прыхільнікаў.
Паводле Reuters, адміністрацыя Трампа выкарыстала забойства кансерватыўнага актывіста Чарлі Кірка як падставу для рэалізацыі даўніх планаў па барацьбе з левымі арганізацыямі.
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі15
Каментары
Да антыфа ці якіх фэмэн стаўленне ні лепш чым да " рэднекаў мага ватнікаў руміра ці нашых азаронка гігіна гадуют іх з адной " кішэні" )))
Прыклад
На усходе Хадаркоўскі неўзлін беразоўскі і " яблыка" і кпрф спансаравалі
На поўдне і " свабоду" тягнібока і камуністаў сіманенка ..
Здзіўляе як хутка " 200 гадовая дЗемакрацыя" здае ..)))