Наўроцкі: Расія ставіцца да цэлых нацый як да сваёй каланіяльнай уласнасці
Прэзідэнт Польшчы назваў расійскую агрэсію не проста рэгіянальным канфліктам, а выпрабаваннем для сусветнага парадку. Паводле яго заявы, Масква ігнаруе міжнароднае права, кіруючыся імперскай ідэалогіяй і каланіяльным мысленнем. Пра гэта Караль Наўроцкі заявіў выступаючы на Генеральнай Асамблеі ААН у Нью-Йорку.
«Расійская агрэсія супраць Украіны — гэта не проста рэгіянальны канфлікт. Гэта выпрабаванне, ці вытрымаюць праверку часам прынцыпы, на якіх заснавана ААН, ці яны падпарадкуюцца вазе імперскіх і каланіяльных амбіцый дзяржавы, якая лічыць сябе вышэй за закон, і якая неаднаразова — неаднаразова — ігнаравала рэзалюцыі дадзенай асамблеі і іншых асамблей», — сказаў ён.
На думку Наўроцкага, каранёвыя прычыны расійскай агрэсіі выключна ідэалагічныя: «Расія абапіраецца на імперскае бачанне, якое адносіцца да цэлых нацый як да каланіяльнай уласнасці», — сказаў ён.
«Заўсёды, калі Масква кажа «мір», гэта насамрэч азначае капітуляцыю таго, каго яна лічыць сваім ворагам», — дадаў прэзідэнт Польшчы.
Таксама Наўроцкі ў ААН назваў сітуацыю з правамі чалавека ў Беларусі прыярытэтам Польшчы.
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
-
Параненых у Кракаве паліцыянтаў выратавалі два вядомыя хірургі: яны абедалі побач і кінуліся на дапамогу
-
Газ у Еўропе падаражэў утрая. Высокія рахункі могуць застацца яшчэ на некалькі гадоў
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку32
Каментары