Naŭrocki: Rasija stavicca da cełych nacyj jak da svajoj kałanijalnaj ułasnaści
Prezident Polščy nazvaŭ rasijskuju ahresiju nie prosta rehijanalnym kanfliktam, a vyprabavańniem dla suśvietnaha paradku. Pavodle jaho zajavy, Maskva ihnaruje mižnarodnaje prava, kirujučysia impierskaj ideałohijaj i kałanijalnym myśleńniem. Pra heta Karal Naŭrocki zajaviŭ vystupajučy na Hienieralnaj Asamblei AAN u Ńju-Jorku.
«Rasijskaja ahresija suprać Ukrainy — heta nie prosta rehijanalny kanflikt. Heta vyprabavańnie, ci vytrymajuć pravierku časam pryncypy, na jakich zasnavana AAN, ci jany padparadkujucca vazie impierskich i kałanijalnych ambicyj dziaržavy, jakaja ličyć siabie vyšej za zakon, i jakaja nieadnarazova — nieadnarazova — ihnaravała rezalucyi dadzienaj asamblei i inšych asamblej», — skazaŭ jon.
Na dumku Naŭrockaha, karaniovyja pryčyny rasijskaj ahresii vyklučna ideałahičnyja: «Rasija abapirajecca na impierskaje bačańnie, jakoje adnosicca da cełych nacyj jak da kałanijalnaj ułasnaści», — skazaŭ jon.
«Zaŭsiody, kali Maskva kaža «mir», heta nasamreč aznačaje kapitulacyju taho, kaho jana ličyć svaim voraham», — dadaŭ prezident Polščy.
Taksama Naŭrocki ŭ AAN nazvaŭ situacyju z pravami čałavieka ŭ Biełarusi pryjarytetam Polščy.
Kamientary