У ноч з 21 на 22 верасня жыхары Беларусі і суседніх краін сталі сведкамі пралёту аднаго з самых яркіх метэораў апошніх гадоў — супербаліда, які па сваёй яркасці не саступаў поўні.
Паводле даных Беларускай метэорнай сеткі, вогненны шар прамільгнуў практычна над Салігорскам роўна ў 02:00:18, рухаючыся ў паўночным напрамку.
У момант яго пралёту мясцовасць ярка асвятлілася, а неба набыло насычанае блакітнае адценне.
Феномен зафіксавалі тры камеры Беларускай метэорнай сеткі, што дазволіла дакладна вызначыць як траекторыю ў атмасферы, так і касмічную арбіту метэароіда, з якога ўтварыўся балід.
Што гэта было?
Спектральны аналіз паказаў, што ў атмасферу ўвайшоў рэдкі жалезны метэароід. Ён рухаўся з каласальнай хуткасцю — 29,5 км/с (гэта больш за 100 тысяч км/г). Узгаранне пачалося на вышыні 94 км, а ўжо на 57 км вогненны шар рэзка патух.
Навукоўцы адзначаюць, што цела поўнасцю згарэла ў атмасферы, таму метэарытнага падзення чакаць не варта.
У Мінску пакажуць метэарыт, які ўпаў на Беларусь у пачатку года
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
Знойдзеныя пад Смалявічамі абломкі сапраўды аказаліся метэарытнымі
У Кітаі збілі ў небе вогненны балід. Кітайскія ўлады адмаўляюць гэта
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары