Redki mieteor jarka zhareŭ nad biełaruskim Paleśsiem
U noč z 21 na 22 vieraśnia žychary Biełarusi i susiednich krain stali śviedkami pralotu adnaho z samych jarkich mieteoraŭ apošnich hadoŭ — supierbalida, jaki pa svajoj jarkaści nie sastupaŭ poŭni.
Pavodle danych Biełaruskaj mieteornaj sietki, vohnienny šar pramilhnuŭ praktyčna nad Salihorskam roŭna ŭ 02:00:18, ruchajučysia ŭ paŭnočnym napramku.
U momant jaho pralotu miascovaść jarka aśviatliłasia, a nieba nabyło nasyčanaje błakitnaje adcieńnie.
Fienomien zafiksavali try kamiery Biełaruskaj mieteornaj sietki, što dazvoliła dakładna vyznačyć jak trajektoryju ŭ atmaśfiery, tak i kaśmičnuju arbitu mietearoida, ź jakoha ŭtvaryŭsia balid.
Što heta było?
Śpiektralny analiz pakazaŭ, što ŭ atmaśfieru ŭvajšoŭ redki žalezny mietearoid. Jon ruchaŭsia z kałasalnaj chutkaściu — 29,5 km/s (heta bolš za 100 tysiač km/h). Uzharańnie pačałosia na vyšyni 94 km, a ŭžo na 57 km vohnienny šar rezka patuch.
Navukoŭcy adznačajuć, što cieła poŭnaściu zhareła ŭ atmaśfiery, tamu mietearytnaha padzieńnia čakać nie varta.
U Minsku pakažuć mietearyt, jaki ŭpaŭ na Biełaruś u pačatku hoda
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
Znojdzienyja pad Smalavičami abłomki sapraŭdy akazalisia mietearytnymi
U Kitai źbili ŭ niebie vohnienny balid. Kitajskija ŭłady admaŭlajuć heta
Kamientary