У Слаўгарадзе міліцыянеры прыкінуліся махлярамі і патэлефанавалі пенсіянерцы
У Слаўгарадзе міліцыя разам з мясцовай газетай правяла незвычайны эксперымент: супрацоўнікі патэлефанавалі мясцовай жыхарцы, прадстаўляючыся «махлярамі». Жанчына без роздумаў паведаміла асабістыя даныя і нават аддала аднаразовы sms-код, рызыкуючы страціць усе ашчаджэнні, заўважыла выданне BGMedia.
Заяўленай мэтай эксперыменту была дэманстрацыя, наколькі лёгка ашукаць даверлівых людзей, асабліва пенсіянераў, нягледзячы на шматлікія папярэджанні пра тэлефонныя махлярствы.
У каментарах беларусы адрэагавалі на гэтыя дзеянні па-рознаму адрэагавалі: адныя здзівіліся, што міліцыя «разводзіць людзей», іншыя расказалі гісторыі пра ўласныя сутыкненні з аферыстамі. Некаторыя адзначаюць, што пажылыя людзі, нягледзячы на ўсе папярэджанні, усё адно часта паддаюцца на падобныя схемы, бо былі выхаваныя ў іншых умовах.
Міліцыя таксама нагадала, як дзейнічаюць сапраўдныя махляры. Часта яны тэлефануюць ад імя «фірмаў па ўстаноўцы дамофонаў» і пад выглядам «замены ключоў» ці «абароны рахунку» выпытваюць асабістыя даныя, у тым ліку коды з SMS. Пасля гэтага зламыснікі атрымліваюць доступ да банкаўскіх картаў, афармляюць крэдыты і здымаюць грошы.
Правілы бяспекі, якіх рэкамендуецца трымацца, каб не стаць ахвярай махляроў:
- ніколі не называць sms-коды;
- памятаць, што банкі і прадстаўнікі іншых службаў не тэлефануюць праз месенджары;
- адразу спыняць размову з незнаёмымі;
- выкарыстоўваць толькі афіцыйныя кантакты банкаў і дзяржструктур;
- не пераходзіць па падазроных спасылках і не ўсталёўваць невядомыя праграмы;
- калі па тэлефоне патрабуюць правесці любыя фінансавыя аперацыі — неадкладна спыніць размову.
Каментары
2. У гэтым удзельнічалі староннія людзі: супрацоўнікі СМІ (нават падказвалі, каму званіць).
3. У відэа можна прачытаць яе нумар тэлефона і фрагменты нумару пашпарта.