Качанава: Каб нармальна жыць, трэба працаваць і нараджаць. Паглядзіце на Узбекістан
Наталля Качанава заклікала матываваць беспрацоўных да працы. І прывяла незвычайны прыклад для наследавання.
У Мінаблвыканкаме абмеркавалі, як прымусіць беспрацоўных знайсці працу. На пасяджэнні прысутнічала спікер Савета Рэспублікі Наталля Качанава. І яна выказала некалькі меркаванняў.
Качанава даручыла Мінаблвыканкаму навесці парадак у базе даных «дармаедаў». І знайсці рашэнне, як матываваць іх да працы, піша «МП».
«Я прапаную Мінскай вобласці ўнесці вашы прапановы па матывацыі гэтых людзей да працы. Задача не простая, але гэта трэба рабіць. Бо дзяржава бярэ на сябе вялікія сацыяльныя гарантыі. Такіх гарантый, бадай, няма ні ў адной краіне», — выказала меркаванне чыноўніца.
Формула добрага жыцця па Качанавай гучыць так: трэба працаваць і нараджаць. У прыклад тут топ-чыноўніца прывяла Узбекістан.
«Я ўсім прыводжу прыклад Узбекістана. Там у год нараджаецца 1 мільён, і ніякіх дэкрэтных адпачынкаў да трох гадоў няма. У нас ёсць добры сацпакет. Людзі павінны разумець, каб нармальна жыць, трэба працаваць і гадаваць новае маладое пакаленне беларусаў», — адзначыла Качанава.
Яна таксама заклікала адпускаць людзей летам на працу ў агародах.
«Калі чалавек займаецца агародніцтвам і не працуе, то гэта адно. Я нядаўна была ў Лунінцы на прыватным прадпрыемстве. У летні перыяд дырэктар дае людзям адпачынак у перыяд збору клубніцаў, бо, працуючы на прадпрыемстве, яны зарабляюць дадаткова. Я думаю, у Мінскай вобласці не менш працаздольныя і працавітыя людзі. Трэба падумаць, што зрабіць, каб беспрацоўных матываваць працаваць», — сказала Качанава.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары