Прадстаўнік ЗША Кіт Келаг расказаў у інтэрв'ю Guardian некалькі дэталяў пра адносіны ЗША з Беларуссю. Так у выніку перамоваў 11 верасня былі вызваленыя 52 палітвязні ў абмен на паслабленне часткі санкцый у дачыненні да Мінска.
Ён падкрэсліў, што ўвага ЗША да Лукашэнкі тлумачыцца тым, што Лукашэнка шмат размаўляе з Пуціным.
«Мы не ўпэўнены, што ён яму кажа, але ведаем, што размаўляе», — сказаў ён.
«Але тое, што мы зрабілі — гэта наладзілі адносіны, каб забяспечыць адкрытасць каналаў камунікацыі, каб пераканацца, што ўсе нашы пасланні перадаюцца прэзідэнту Пуціну. У гэтым і была прычына. Мы спачатку не ішлі туды, каб вызваліць палітычных зняволеных», — сказаў ён.
Келаг падкрэсліў, што поспех у вызваленні некаторых палітвязняў — гэта станоўчы бок, але «агульная мэта гэтага не была ў вызваленні палітычных зняволеных — агульная мэта была [знайсці] найлепшы спосаб урэгуляваць вайну паміж Украінай і Расіяй».
Ён сказаў, што ЗША засяродзілі ўвагу на тым, каб «пасланні, якія перадаюцца Уладзіміру Пуціну, супадалі з тымі, што ідуць іншымі каналамі».
«Мне ўсё роўна, ці гэта Кірыла Дзмітрыеў, ці гэта Юрый Ушакоў [прадстаўнікі Пуціна], ці гэта Лукашэнка. Галоўнае — пераканацца, што гэтыя пасланні даходзяць», — сказаў ён.
Ён таксама адзначыў, што ЗША не наіўныя адносна рэжыму Лукашэнкі і «мы ведаем, што калі ён вызваляе аднаго [палітвязня], то, верагодна, затрымлівае яшчэ двух».
Келаг таксама дадаў, што пагадненне з Беларуссю ўключала дапамогу дзяржаўнай авіякампаніі «Белавія» ў рамонце іх самалётаў, бо «пажадана, каб іх самалёты не падалі з неба», але з выразным акцэнтам: «Яны не павінны выкарыстоўваць іх для «злачынных мэтаў» і для перавозкі мігрантаў у Еўропу».
«Гэта — сутнасць справы», — дадаў ён.
-
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
-
Мінскім Шабанам прысвяцілі модную калекцыю: дзе купіць і што па цэнах?
-
Андрусь Бездар, які выйшаў з СІЗА, расказаў, як яго справа цяпер і што будзе далей
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары