Павел Дураў кажа, што яго атруцілі ў 2018 годзе: Я не мог дыхаць і нічога не бачыў. Думаў, гэта канец
«Я ніколі не хварэў, у мяне ідэальнае здароўе. Гэта быў адзіны момант у жыцці, калі я, здаецца, паміраў», — сказаў ён.
У вялікім інтэрв’ю Лексу Фрыдману Павел Дураў упершыню расказаў пра тое, што яго хацелі атруціць. Прычым гэта адбылося вясной 2018 года, калі «пара краін спрабавала заблакаваць Telegram» (маецца на ўвазе ў тым ліку Расія), паведамляе «Дождь».
«Я ніколі не расказваў пра гэта публічна, бо не хацеў, каб людзі панікавалі. Я ніколі не хварэў, у мяне ідэальнае здароўе. Гэта быў адзіны момант у жыцці, калі я, здаецца, паміраў», — расказаў Дураў.
Я прыехаў дадому, адчыніў дзверы арандаванага таўнхаўса, дзе быў дзіўны сусед, і ён нешта мне там пакінуў каля дзвярэй. І праз гадзіну, калі я ўжо ляжаў у ложку, а жыў я адзін, мне стала вельмі дрэнна, я адчуў боль па ўсім целе.
Я спрабаваў устаць і пайсці ў ванную, але пакуль я ішоў туды, я адчуў, што маё цела пачало адмаўляць. Спачатку зрок і слых, потым стала цяжка дыхаць. І ўсё гэта суправаджалася вельмі вострым болем: сэрца, страўнік, усе сасуды. Я не мог дыхаць і нічога не бачыў. Думаў, гэта канец.
Потым я зваліўся на падлогу, бо боль зацяняў усё. Потым я апрытомнеў на падлозе на наступны дзень, было светла. Я паглядзеў на рукі і цела. Па ўсім целе палопаліся сасуды, са мной такога ніколі не было. Я потым два тыдні хадзіць не мог», — расказаў ён.
Пры гэтым Дураў не стаў абвінавачваць кагосьці ў спробе атручвання.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары
Проснулся от звука лопающейся пупырки, но понвл, что лопается он сам и начал стучать двери!