«Падумаў, што недзе побач мядзведзь». Нобелеўскаму лаўрэату ў лічбавым дэтоксе ўсё ж паведамілі пра ўзнагароду
Нобелеўскі камітэт нарэшце змог звязацца з амерыканскім навукоўцам Фрэдам Рамсдэлам, які стаў сёлетнім лаўрэатам прэміі ў галіне фізіялогіі і медыцыны, піша The Guardian. Да гэтага з ім доўга не маглі скантактавацца, бо Рамсдэл разам з жонкай быў у паходзе па гарах ЗША і праводзіў «лічбавы дэтокс» — без тэлефона і інтэрнэту.
Жонка навукоўца, Лора О’Ніл, выпадкова ўбачыла на тэлефоне шмат віншавальных паведамленняў — так пара даведалася пра ўзнагароду. Як паведаміў прадстаўнік камітэта Томас Перлман, муж і жонка тры тыдні падарожнічалі па горных хрыбтах Айдаха, Ваёмінга і Мантаны, начавалі ў намётах і атрымалі навіну, калі ехалі ў гатэль ды спыніліся, каб адрамантаваць машыну.
Калі Лора раптам уключыла тэлефон і закрычала ад нечаканасці, Фрэд падумаў, што недзе побач мядзведзь, бо яны былі ў мясцовасці, дзе жывуць грызлі. Але крык быў ад радасці — ён атрымаў Нобелеўскую прэмію. Паводле сведак, навуковец быў вельмі здзіўлены і шчаслівы, бо не чакаў такога прызнання.
Раней, 6 кастрычніка, стала вядома, што Фрэд Рамсдэл разам з амерыканкай Мэры Бранкоу і японцам Шыманам Сакагучы падзялілі Нобелеўскую прэмію за даследаванні, якія тлумачаць, як працуе імунная сістэма і чаму не ўсе людзі пакутуюць ад цяжкіх аўтаімунных захворванняў.
«ЗША хочуць нармалізацыі літоўска-беларускіх адносін. Адсюль і рухі з офісам Ціханоўскай»9
Каментары