Пуцін у Маскве гаварыў пра вечную дружбу з сірыйскім лідарам, якога 9 гадоў таму пагражаў «знішчыць»
Прэзідэнт Расіі Уладзімір Пуцін падчас сустрэчы ў Маскве з новым лідарам Сірыі Ахмедам аш-Шаарам заявіў, што адносіны паміж дзвюма краінамі заўсёды былі сяброўскімі і што Расія гатовая падтрымліваць рэгулярныя кантакты і сумесныя праекты. Хоць раней адносна аш-Шаара і сіл, якія за ім стаялі, рыторыка была кардынальна іншая, заўважае The Moscow Times.
«За гэты час [з 1944 года] адносіны паміж Сірыяй і Расіяй заўсёды насілі выключна сяброўскі характар. У нас у Расіі ніколі ў дачыненні да Сірыі не было нейкіх адносін, звязаных з нашай палітычнай кан'юнктурай або з асаблівымі інтарэсамі. Мы заўсёды кіраваліся адным — інтарэсамі сірыйскага народа. З сірыйскім народам у нас сапраўды глыбокія сувязі», — заявіў Пуцін.
Ахмед аш-Шаар, які нядаўна прыбыў у Расію з працоўным візітам, раней быў вядомы пад імем Аль-Джулані і кіраваў ісламісцкай групоўкай «Хаят Тахрыр аш-Шам» (раней — «Джабхат ан-Нусра»), што была адгалінаваннем «Аль-Каіды».
Раней «Тахрыр аш-Шам» вяла баявыя дзеянні супраць рэжыму Башара Асада і расійскіх войскаў, якія яго падтрымлівалі. Расійская авіяцыя наносіла ўдары па пазіцыях групоўкі.
У 2016 годзе расійскі МЗС называў членаў гэтай групоўкі «вылюдкамі» і абяцаў яе «знішчыць», падкрэсліваючы, што яна з’яўляецца тэрарыстычнай арганізацыяй. У 2020 годзе «Тахрыр аш-Шам» была афіцыйна забароненая ў Расіі.
Аднак пасля таго як апазіцыйныя сілы ўзялі пад кантроль сталіцу Сірыі Дамаск, аш-Шаар атрымаў падтрымку часткі паўстанцаў і быў абвешчаны прэзідэнтам пераходнага ўрада Сірыі. Адпаведна з гэтым змянілася да яго і стаўленне Масквы, гэтак жа сама як яно змянілася да афганскага руху Талібан, які таксама перад прыходам улады лічыўся тэрарыстычнай і забароненай у Расіі арганізацыяй, а пасля прыходу стаў партнёрам.
Паводле даных агенцтваў Syria TV і Reuters, падчас візіту ў Маскву аш-Шаар плануе абмеркаваць з Пуціным два асноўныя пытанні: выдачу сірыйскім уладам былога прэзідэнта Башара Асада для прыцягнення яго да адказнасці і будучыню расійскіх вайсковых баз у Тартусе і Хмейміме.
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары
- Ну да. Теперь будешь мне башлять, как башлял Асаду. Ну и может побомбить немного надо будет. Я скажу кого.
- Само собой...
- И башку Асада мне пришлёшь. Только живого не надо. В новой демократической Сирии гуманные порядки. Пусть у тебя где нибудь, грязь на грязь не налипнет.
- Какие пустяки для дорогого друга русского народа!