У горадзе Штадэ, што знаходзіцца ў Ніжняй Саксоніі на поўначы Германіі адбылася страляніна. Паліцыя паведамляе пра пяцярых загінулых, піша Bild.
Нямецкая паліцыя і ратавальныя службы праводзяць буйную аперацыю ў Штадэ. Над цэнтрам горада кружаць два верталёты. Прадстаўнік паліцыі пацвердзіў, што загінулі пяць чалавек.
Паводле першых даных паліцыі, страляніна была ў раёне Данкерштрасэ. Супрацоўнікі затрымалі аднаго падазраванага. Сітуацыя дынамічная. «Калі ласка, пазбягайце гэтага раёна!», — піша паліцэйскае ўпраўленне Люнебурга ў X.
Месца здарэння знаходзіцца ў непасрэднай блізкасці ад моладзевай установы. Ці ёсць сярод ахвяр таксама дзеці або падлеткі, невядома. Непадалёк размяшчаецца таксама паліцэйскі ўчастак Штадэ.
Перадгісторыя гэтых падзей пакуль яшчэ зусім незразумелая.
Каментары