Больш за 2000 ратавальнікаў з 27 краін свету прыехалі ў Венесуэлу для пошуку людзей пад заваламі пасля двух разбуральных землятрусаў, якія адбыліся 25 чэрвеня. Нягледзячы на цесную дружбу Аляксандра Лукашэнкі з былымі лідарамі Венесуэлы, ён абмежаваўся накіраваннем спачуванняў.
Маштабная гуманітарная аперацыя праходзіць пры падтрымцы і каардынацыі Арганізацыі Аб'яднаных Нацый.
Агулам задзейнічаны 2245 спецыялістаў і 140 пошукавых сабак, іх задача — пошук і вызваленне людзей з-пад абломкаў будынкаў, аказанне першай медыцынскай дапамогі.
27 краін прыслалі сваіх вайсковых і цывільных спецыялістаў — дапамогу накіравалі Германія, Чэхія, Іспанія, ЗША, Францыя, Італія, Вялікабрытанія, Турцыя, краіны Лацінскай Амерыкі і Блізкага Усходу.
Таксама сярод іх Літва, якая даслала ў Венесуэлу дзве каманды: ратавальнікаў (20 пажарных, 2 кінолагі і 2 медыкі), а таксама медыцынскую групу з 15 дактароў і 5 лагістаў, якія забяспечваюць працу медыкаў. Разам з імі дастаўлена 6 тон пошукавага абсталявання і 20 тон гуманітарнага і медыцынскага грузу.
Аляксандр Лукашэнка накіраваў «самыя шчырыя словы падтрымкі ўсім жыхарам Венесуэлы, асабліва ахвярам бязлітаснай стыхіі, хто страціў блізкіх, застаўся без прытулку».
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Они нам даже за мапидовские нашие проекты не заплатили, куда им помогать?
Но Батька наш незгибаемый! Трамп встал на колени с просьбой о нашем калии
Уверен, что на Кубу Литва бы не послала. Вот, недавно на Кубе было ЧП в энергетике, вызванное американской блокадой. Сколько герераторов послала Литва?