Статкевіч: Уцёкі палкаводца з поля бітвы ў яе крытычны момант заўсёды дэмаралізоўвалі яго войска
Экс-палітвязень у сваім тэлеграм-канале паразважаў з нагоды замежнай камандзіроўкі Лукашэнкі на фоне ранейшых пагрозаў Зяленскага.
«Людзі ваююць паміж сабой з даўніх часоў. І ва ўсе часы вынік бітваў шмат у чым залежаў ад здольнасцяў і цвёрдасці палкаводцаў. Уцёкі палкаводца з поля бітвы, асабліва ў яе крытычны момант, заўсёды дэмаралізоўвалі яго войска і прыводзілі да паразы. Часы змяніліся, але і цяпер уцёкі з краіны ў небяспечны момант лідараў палітычных сіл вядуць да цяжкіх наступстваў для іх ідэй і прыхільнікаў.
З беларускімі дэмакратычнымі сіламі такое здаралася ўжо двойчы. Першы раз — у сярэдзіне 90-х, калі на самым пачатку кампаніі вулічнай барацьбы за незалежнасць супраць спробы правячага рэжыму аб'яднацца ў адну дзяржаву з РФ, з краіны ўцёк бясспрэчны тады лідар нацыянальных сілаў (маецца на ўвазе ад'езд у красавіку 1996 года Зянона Пазняка — НН).
Другі раз — у 2020 годзе, калі падчас масавых пратэстаў у эміграцыю па прапанове ўладаў з'ехала Святлана Ціханоўская, за прызнанне перамогі якой на «выбарах» на вуліцы тады выходзілі многія тысячы дэманстрантаў.
Але цяпер сталася так, што і з супрацьлеглага боку адбылася аналагічная гісторыя — падчас абвастрэння адносін з ваюючай Украінай, перад пагрозай магчымага ўдару ўкраінскіх дронаў па расійскіх рэтранслятарах на паўднёвай мяжы Беларусі, краіну ў невядомым доўгі час кірунку пакінуў яе галоўны ўладны і вайсковы кіраўнік. Цікава, як да гэтай «трэніроўкі» ставяцца яго падначаленыя?» — напісаў Мікалай Статкевіч.
Лукашэнка, як высветлілася, у пятніцу паляцеў на Валдай да Пуціна, а цяпер знаходзіцца ў Пекіне.
Цяпер чытаюць
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары
Да и сейчас в рб никакой войны нет, рб не бомбят, дроны не летят, поэтому тут явно натянуто что плешивый мол испугался куда-то убежал. Дети него тут, да и само оно скоро приедет.