Заснавальніка найбуйнейшага ўкраінскага вытворцы дронаў, кампаніі Fire Point, спыталі пра ўзровень беларускай СПА. Яго адказ здзівіў
«Я думаю, што беларусы не ідыёты, каб ужо ў першыя гадзіны вайны застацца ні з чым», — адказаў Дзяніс Штылерман.
Рыторыка ўкраінскага боку ў адрас Беларусі ў апошні час моцна змянілася. Прадстаўнікі Украіны ўжо неаднаразова заяўлялі, што ў выпадку непазбежнай пагрозы з тэрыторыі Беларусі будуць нанесеныя ўдары ў адказ, а пры неабходнасці — і прэвентыўныя.
У новым выпуску YouTube-канала Pressing украінскі журналіст Сяргей Пейчаў пацікавіўся ў заснавальніка і галоўнага канструктара найбуйнейшай украінскай ваеннай кампаніі Fire Point Дзяніса Штылермана, як той ацэньвае стан беларускай сістэмы супрацьпаветранай абароны.
«Я думаю, што беларусы не ідыёты, каб ужо першыя гадзіны вайны застацца ні з чым. Уся іх крытычная інфраструктура — усё, на чым гэты Лукашэнка жыве і набівае сабе кішэні, — будзе знішчаная ў першыя суткі. І ён нічога зрабіць не зможа», — адказаў Шцілерман.
Нагадаем, што менавіта Fire Point з'яўляецца вытворцам дальнабойнай крылатай ракеты «Фламінга», а некалькі тыдняў назад кампанія паведаміла аб паспяховых лётных выпрабаваннях новай зенітнай ракеты FP-7.x, якая з’яўляецца ключавым элементам новай еўрапейска-ўкраінскай сістэмы супрацьпаветранай абароны пад назвай «Фрэя» (Freyja). Паводле Шцілермана, ужо ў жніўні прадпрыемства зможа выпускаць па тры ракеты ў дзень.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары
Калі так станецца, гэта вельмі трагічны для Беларусі і яе патэнцыялу сцэнар, але логіка ясная, чаму гэта можа адбыцца.