Свет22

У Францыі затрымалі падазраваных у падрыхтоўцы замаху на заснавальніка Gulagu.net

Супрацоўнікі Галоўнага ўпраўлення ўнутранай бяспекі МУС Францыі затрымалі ў мінулы панядзелак чатырох мужчын ва ўзросце ад 26 да 38 гадоў, падазраваных у падрыхтоўцы замаху на заснавальніка праваабарончага праекта Gulagu.net Уладзіміра Асечкіна.

Першапачаткова паведамлялі, што мэтай замаху быў «расійскі апазіцыянер», які пражывае ў горадзе Біярыц, піша Бі-бі-сі.

Газета Parisien называла імя Асечкіна, аднак журналістам Figaro ўлады гэтую інфармацыю каментаваць адмовіліся.

Як пісала Figaro са спасылкай на Нацыянальную антытэрарыстычную пракуратуру (PNAT), замах быў прадухілены ў апошні момант.

Сам Уладзімір Асечкін пазней пацвердзіў інфармацыю французскіх СМІ агенцтву AFP і ў сваім тэлеграм-канале.

«Так, пацвярджаю. Я жывы, нягоднікі затрыманыя, — напісаў ён, падзякаваўшы французскім уладам. — Калі б не іх спецыялісты і афіцэры, мяне б ужо не было ў жывых».

Расследаванне было пачата 19 верасня пасля атрымання спецслужбамі сігналу аб магчымай змове з мэтай забойства Асечкіна.

Parisien піша, што падазраваных, якія маюць французскае і расійскае грамадзянства (тры з іх — выхадцы з Дагестана), затрымалі ў парыжскім рэгіёне і ў дэпартаменце Атлантычная Луара. На іх тэлефонах выявілі відэазапісы з кадрамі сачэння за домам Асечкіна.

Паводле звестак крыніцы AFP, відэа было знята ў красавіку, калі трое падазраваных адправіліся ў Біярыц. Адзін з затрыманых сцвярджаў, што ўсе яны былі там у адпачынку, аднак у паказаннях мужчын былі разыходжанні, паведаміла крыніца агенцтва.

Праект Gulagu.net быў створаны ў 2011 годзе і распавядаў пра катаванні і карупцыю ў расійскай пенітэнцыярнай сістэме. Асечкін жыве ў Францыі з 2015 года.

У 2022 годзе Асечкін казаў, што яго спрабавалі застрэліць у доме ў Біярыцы, дзе ён пражывае з сям'ёй. Тады французскія ўлады пачалі расследаванне, але не выявілі «ніякіх аб'ектыўных доказаў», якія пацвярджаюць сцвярджэнне аб тым, што хтосьці спрабаваў яго забіць.

За год да гэтага праект Gulagu.net паведаміў, што ў яго распараджэнні апынуўся вялікі архіў з відэазапісамі катаванняў зняволеных, і апублікаваў частку з іх. Публікацыя выклікала вялікі грамадскі рэзананс.

У Расіі ў дачыненні да Асечкіна было заведзена некалькі крымінальных спраў, у тым ліку аб ваенных «фэйках». Расійскія ўлады таксама абвясцілі яго «інаагентам».

Каментары2

  • Улад
    17.10.2025
    У ЧК/КДБ/ФСБ РФ - доўгія рукі.
    Яны помсцяць тым, каму не падабаецца "ГУЛАГ".
  • нязгода
    17.10.2025
    Улад, як бачым, ручонкі. Агідныя пацучыныя.

Цяпер чытаюць

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку

Усе навіны →
Усе навіны

Паказаны імаверны шлях Пуціна да Будапешта18

Блогерка правярае чысціню і якасць прадуктаў у мінскіх крамах. Падабаецца гэта не ўсім13

«Цэны як у сталовай». Мінчанка паабедала ў рэстаране пяцізоркавага гатэля ў цэнтры сталіцы і была шакаваная5

Француза асудзілі да 30 гадоў за забойства жонкі. Ні цела не знайшлі, не было сведак, як і не было прамых доказаў4

Трамп прапанаваў і Расіі, і Украіне абвясціць сябе пераможцамі8

Якая адна рыса робіць менеджара выдатным? Адказ вас здзівіць6

Трамп сказаў Зяленскаму, што пакуль не мае намеру пастаўляць Кіеву ракеты «Тамагаўк»16

Зяленскі гэтым разам ездзіў да Трампа з картамі Расіі3

На аўкцыёне карціну Шагала прадалі за 3 мільёны даляраў4

больш чытаных навін
больш лайканых навін

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку

Галоўнае
Усе навіны →

Заўвага:

 

 

 

 

Закрыць Паведаміць