Ежа11

Журавіны — на морс, кітайскі вінаград — на дэсерт: што ўзяць на Камароўцы ў гэтыя выхадныя

На Камароўцы, як заўсёды, свята ўраджаю. На прылаўках і звыклыя баршчавыя наборы, і экзотыка кшталту кітайскага муската. Што колькі каштуе, пацікавіліся Мінск-навіны.

У садавіне вочы разбягаюцца. Яблыкі — ад простых садовых па 4,9 рубля за кілаграм да буйных, бліскучых — па 8 рублёў. Грушы — ад 9,9, а вінаград — на любы густ і кашалёк: ад сціплага кішміша за 4,9 да прыгожых, мясістых гронак па 14,9 рубля і вышэй.

Кітайскі мускат зноў у модзе — прадаўцы запэўніваюць, што сезон у самым соку. За кілаграм экзотыкі просяць 12,9.

— Гэта не проста вінаград, гэта дэсерт, — з усмешкай адзначыў прадавец, прапаноўваючы паспрабаваць спелую ягадку. — Бяруць і на святы, і проста пачаставаць сябе.

На прылаўках можна знайсці і нектарыны па 4,9 рубля. Фейхоа, якую пакупнікі ўжо даўно ацанілі за церпкі смак і карысць, можна знайсці па 9,9. Ёсць і авакада, акуратныя зялёныя плады па цане ад 2,9 рубля.

Слівы — ад 2,9, гранат — ад 5,9 да 35 рублёў. Апельсіны і мандарыны — ад 9,9, ківі — ад 8,9. Лімоны, як заўсёды, з розніцай: ад 10 да 30 рублёў за кілаграм. Хурму можна набыць за 8,9. 

Прылаўкі з ягадамі радуюць не менш. Паўлітровы слоік журавін — за 5 рублёў, такі ж аб’ём брусніц прадаюць па 15. Кілаграм свежай абляпіхі — 20 рублёў.

Чарніцы — ад 31,9 рубля за кілаграм. Парадаваць сябе кілаграмам малінаў можна за 20 рублёў.

Што датычыцца самай папулярнай у Беларусі гародніны, то бульба каштуе ад 1,29, цыбуля — ад 1,5 рубля за кілаграм. Морква, буракі і капуста — ад 0,99. Агуркі — ад 5,49, баклажаны — ад 2,99. Цэны на перац вагаюцца ад 2,5 да 9,9 рубля. Памідоры прадаюць ад 1,99 да 15 рублёў і яшчэ вышэй просяць за чэры.

Цэны на свежую зеляніну трымаюцца на ўзроўні 1,5 рубля за 100 грамаў. Гэта датычыцца кропу, пятрушкі, салаты. Грыбны сезон працягвае радаваць мінчукоў: шампіньёны — па 10,5 рубля, лісічкі— за 25, у прыватнікаў можна знайсці на 5 рублёў танней.

Шмат хто з прадаўцоў збірае грыбы сам, выходзіць з досвіткам і да пачатку працоўнага дня ўжо стаіць на прылаўку.

— Людзі бяруць актыўна, і пасмажыць, і на замарозку, — падзяліўся мужчына за прылаўкам.

На рыбных шэрагах усё стабільна: карп — па 8,47 рубля, карась — 5,25, таўсталобік — 4,97.

Каментары1

  • :/
    18.10.2025
    колькі ў тым кітайскім вінаградзе табліцы мендзялеева?

Цяпер чытаюць

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку

Усе навіны →
Усе навіны

Паказаны імаверны шлях Пуціна да Будапешта18

Блогерка правярае чысціню і якасць прадуктаў у мінскіх крамах. Падабаецца гэта не ўсім13

«Цэны як у сталовай». Мінчанка паабедала ў рэстаране пяцізоркавага гатэля ў цэнтры сталіцы і была шакаваная5

Француза асудзілі да 30 гадоў за забойства жонкі. Ні цела не знайшлі, не было сведак, як і не было прамых доказаў4

Трамп прапанаваў і Расіі, і Украіне абвясціць сябе пераможцамі8

Якая адна рыса робіць менеджара выдатным? Адказ вас здзівіць6

Трамп сказаў Зяленскаму, што пакуль не мае намеру пастаўляць Кіеву ракеты «Тамагаўк»16

Зяленскі гэтым разам ездзіў да Трампа з картамі Расіі3

На аўкцыёне карціну Шагала прадалі за 3 мільёны даляраў4

больш чытаных навін
больш лайканых навін

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку

Галоўнае
Усе навіны →

Заўвага:

 

 

 

 

Закрыць Паведаміць