Прэзідэнт ЗША па выніках сустрэчы ў Белым доме з Уладзімірам Зяленскім, дзе ён, хутчэй за ўсё, адмовіўся зараз даць Украіне ракеты «Тамагаўк», пракаментаваў у сацсетках вынікі сустрэчы.
«Сустрэча з прэзідэнтам Украіны Уладзімірам Зяленскім была вельмі цікавай і сардэчнай. Але я сказаў яму — як раней настойліва раіў і прэзідэнту Пуціну, — што пара спыніць забойствы і заключыць ЗДЗЕЛКУ! Дастаткова крыві праліта на межах, праведзеных вайной і адвагай. Няхай спыняцца там, дзе стаяць. Няхай абодва абвесцяць пра перамогу — а гісторыя рассудзіць! Больш ніякіх стрэлаў, ніякай смерці, ніякіх каласальных і непасільных выдаткаў. Гэтая вайна ніколі б не пачалася, калі б я быў прэзідэнтам. Тысячы людзей забіваюць кожны тыдзень — ХОПІЦЬ! Вяртайцеся дадому да сваіх сем’яў з мірам!»
Каментуючы гэта, Уладзімір Зяленскі сказаў, што менавіта ў гэтым і заключаецца яго задача — спыніць баявыя дзеянні.
Допіс Дональда Трампа дае больш глебы для аналізу, чым папярэднія заявы, зазначае Бі-бі-сі.
«З яго мы бачым, што Трамп вярнуўся да сваёй першапачатковай пазіцыі, згодна з якой у расійска-ўкраінскім канфлікце павінна наступіць спыненне баявых дзеянняў на цяперашняй лініі судакранання», — зазначае партал.
Першапачаткова ён прасоўваў менавіта гэтую ідэю, і Украіна была згодная, але на гэта не згадзіўся Уладзімір Пуцін, які хацеў спачатку напісаць вялікае мірнае пагадненне, — а пакуль яно пішацца, баявыя дзеянні могуць працягвацца. У пэўны момант Трамп згадзіўся з Пуціным, але цяпер пазіцыя амерыканскага прэзідэнта зноў змянілася.
Верагодна, менавіта гэтую пазіцыю ён будзе абмяркоўваць з Пуціным у Будапешце. І калі Пуцін не згодзіцца на гэты варыянт, то размовы пра «Тамагаўкі» могуць перайсці на іншы ўзровень.
Зараз Трамп не хоча даваць «Тамагаўкі» ў надзеі, што Пуцін згодзіцца.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях2
Каментары